بوگون (چهارشنبه، ۱۴ جدی) افغانستان سوداگرلیک و سرمایه یاتقیزیش اتاقی خبری بیر ییغینده، پاکستان نینگ کراچی بندری ده افغانستان نینگ یوزلب کانتینر سوداگرلیک تواری توختهتیلیشینی معلوم قیلیب ایتیشیچه، پاکستان رسمیلری ایکی هفته دن بویان افغانستان سوداگرلری نینگ توارلری اوچون ایکی_اوچ برابر قیمت تعین قیلگن، بو ایش افغانستان بازارلریده توارلر قیمت بولیشیگه سبب بولهدی.
افغانستان سوداگرلیک و سرمایه یاتقیزیش اتاق اتفاقی سرپرستی محمدیونس مهمند نینگ ایتیشیچه: «ایکی هفته دن بیری کراچی بندری ده یوزلب کانتینر توختهتیلگن، بو ایش افغانستان سوداگرلری گه اقتصادی نقصان ییتکیزهدی.»
بیزلرنینگ فیسبوک صحیفهمیزگه باش اورینگ!
افغانستان سوداگرلیک و سرمایه یاتقیزیش اتاقی، پاکستان دن افغان سوداگرلری گه قولیلیک یرهتیشنی طلب قیلهدی. اوشبو اتاق اسلام امیرلیگی دن کراچی بندری ده، افغان سوداگرلری نینگ توارلری توختهتیلیشی گه باالمثل عکسالعمل کورسهتیشنی ایستهیدی.
افغانستان_پاکستان قوشمه سوداگرلیک اتاق باشلیغی خانجان الکوزی گه کوره: «پاکستان دن افغانستان سوداگرلری گه قولیلیک یرهتیشنی ایستهیمیز، کانتینرلر توختهتیلیشی دوام قیلگن حالده کراچی بندری اورنیده بدیل تاپیش گه مجبور میز.»
عینحالده، صناعت و سوداگرلیک وزیرلیگی مسئوللری نینگ ایتیشلریچه، اوشبو قیینچیلیکلر حلی اوچون پاکستان رسمیلری بیلن مذاکره قیلماقدهلر.
بیزلرنینگ توییترده هم تعقیب قیلینگ!
مذکور وزیرلیک سوزلاوچیسی عبدالسلام جواد گه کوره: «اسلام امیرلیگی قطار رسمیلری حاضرگی قیینچیلیک حلی اوچون پاکستان رسمیلری بیلن مذاکره قیلماقدهلر و بو قیینچیلیک تیزلیک بیلن حل بولهدی.»
شو بیلن بیرگه، افغانستان سوداگرلیک و سرمایه یاتقیزیش اتاقی گه کوره، بوگون اندونیزیا و مالیزیا دن سوداگرلیک توار یوکلنگن ۵۰۰ کانتینر کراچی بندری آرقهلی افغانستان گه کیلیشی کوتیلر ایدی، چابهار بندری گه یوباریلگن.
