سرپل ده‌گی دهقان‌لردن بیرقطاری نینگ ایتیشلریچه، سونگی ییل‌لرده‌گی کیتمه_کیت قورغاقچیلیک و ایکینچیلیک اوچون سوو ییتیشمسلیگی باعث کوپ سانده کیشی‌لر نینگ ییرلری چول گه اوزگریب و دیمه ایکین‌لری قوریب قالگن.
اولر، اسلام امیرلیگی سرپرست حکومتی دن اوشبو ولایت ده‌گی دهقان‌لر نینگ محصولاتی اوچون ستندرد ساووقخانه و سوو توغان‌لرینی قوریب و زیان کورگن دهقان‌لر گه یاردم بیریشینی سوره‌یدیلر.
سرپل ده‌گی دهقان‌لردن عبدالقادر نینگ ایتیشیچه، اوشبو ییل بوغدای، ارپه، جواری و قاوون ایکینلریدن یخشی حاصل آلالمه‌گن و ۵۰۰ مینگ افغانی زیان کورگن.
بیزلرنینگ فیسبوک صحیفه‌میزگه باش اورینگ!
اونگه کوره، دهقان‌لر ستندرد ساووقخانه‌لر و سوو توغان‌لری یوق یولیگی طفیلی هر ییلی کوپ سانده مالی زیان کوره‌دیلر و زیان کورگن دهقان‌لر هیچ بیر نهاد تامانیدن قوللب_قوتلنمه‌یدی.
او نینگ کوپه‌یتیریشیچه: «قورغاقچیلیک ایکینچیلیک و ایش نی یوق ایتدی، هیچ نرسه قالمه‌دی، ۵۰۰ مینگ افغانی صرفله‌دیم، ۱۰۰ مینگ افغانی درآمد قیلدیم. الله چاره قیلمسه بنده‌نی قولیدن هیچ نرسه کیلمه‌یدی. قرض‌لریمنی تولش اوچون پریشان من، احوالیم چتاغ دیر.»
سرپل ده دهقان‌لردن باشقه بیری عنایت‌الله گه کوره، اسلام امیرلیگی سرپرست حکومتی دقت قیلمه‌ی و دهقان‌لر گه قولی‌لیک یره‌تمه‌گن تقدیرده، وضعیت بوندن هم کوره یامان بولیشی ممکن.
اونگه کوره، سرپل ولایتی سانچارک، صیاد و گوسفندی تومن‌لری ده قطار دهقان‌لر قرضدار بولیب و ایشلش اوچون ایران گه مهاجر بولگنلر.
عنایت‌الله نینگ کوپه‌یتیریشیچه: «حاضر هم احوالیم یخشی ایمس، کیتمه-کیت قورغاقچیلیک و هیچ کیم یاردم بیرمه‌یدی و برچه دهقان‌لر زیان کورگنلر. بو وضعیت دوام ایتگن تقدیرده یشاوچیلر ۱۰۰ فایز کمبغل بولیش‌لری ممکن.»
عین‌حالده، سرپل ایکینچیلیک، سوغاریش و چاروه‌چیلیک ریاستی مسئوللری، اوشبو ولایت ده دهقان‌لر نینگ قیینچیلیگینی تصدیقلسه‌لرده، بیراق مذکور ولایت دهقان‌لری گه قولی‌لیک یره‌تیش مقصدیده سعی‌وحرکت قیله‌یاتگنلریدن ایشانچ بیره‌دیلر.
بیزلرنینگ توییترده هم تعقیب قیلینگ!
سرپل ایکینچیلیک ریاستی نینگ ایکینچیلیک ایشلری بوییچه آمری محمدشریف مصدق گه کوره، اوشبو ولایت دهقان‌لری کیتمه_کیت قورغاقچیلیک باعث کوپ زیان کوریشگن و مذکور ریاست دهقان‌لر گه قولی‌لیک یره‌تیش مقصدیده سعی‌وحرکت قیلماقده دیر.
او نینگ کوپه‌یتیریشیچه: «ایکینچیلیک اوچون سرپل نینگ آب‌وهواسی مناسب دیر و دهقان‌لرنی قوللب_قوتله‌یمیز.»
سرپل محلی مسئوللری، خرجتی ۳۷ میلیون دالر تخمین ایتیلگن «دره‌ی سلطان ابراهیم» سوو توغانی یقینده قوریلیشدن ایشانچ بیریب و سرپل ده اوشبو توغان قوریلیشینی مثبت آدیم دیه بهاله‌یدیلر.