سرپل ولایتی سانچارک تومنی نینگ «فیض‌آباد» و «کبود آب» قیز مکتب‌لری‌ده‌گی اوقووچیلر نینگ عایله‌لریدن قطاری گه کوره، اوشبو ایکی مکتب اوقووچیلری نینگ زهرلنگنی‌دن کیین، باله‌لری روحی قیین‌چیلیک‌لر گه چلینیب و مکتب کیتمه‌گنلر.
اوقووچیلردن بیری نینگ آنه‌سی بولمیش لطیفه، قیزی مکتب ده زهرلنگنی‌دن بیری، روحی قیین‌چیلیککه چلینیب و وضعیتی یخشی بولمه‌گنی بیان قیلگن. اونینگ کوپه‌یتیریشیچه: «بوگون قیز اوقووچیلر مکتب کیتمه‌گنلر و مکتب گه کیتیب قیته زهرلنیش‌دن قورقه‌دیلر.»
بیزلرنینگ فیسبوک صحیفه‌میزگه باش اورینگ!
شونینگدیک اوقووچیلردن باشقه بیری نینگ آته‌سی صداقت‌علی نینگ ایتیشیچه: «بو واقعه‌دن کیین، قیزیم نینگ وضعیتی یخشی ایمس و ۲۴ ساعت‌ده یالغیز ۲ ساعت یاتگن دیر.» او اسلام امیر‌لیگی‌دن اوشبو واقعه عامل‌لری نینگ قولگه آلینیشی و جزالنتیریلیشی نی ایسته‌گن.
شونده‌ی بیرحالده، سرپل معلومات و مدنیت ریاست رئیسی عمیر سرپلی نینگ ایتیشیچه، مذکور واقعه عامل‌لری نینگ قولگه آلینیشی اوچون سعی و حرکت قیلماقده‌لر. اونینگ کوپه‌یتیریشیچه، اوتگن ایکی کون‌ده، سانچارک تومنی نینگ کبود آب قیز مکتبی و آب کلان قیشلاغیده‌گی فیض‌آباد قیز مکتبی‌ده، ۷۷ قیز و ییگیت اوقووچی، ییتی اوقیتووچی، اوقووچیلر نینگ یقین‌داشلریدن بیش کیشی و بیر خدمه زهرلنگن.
شونینگدیک عمیر نینگ کوپه‌یتیریشیچه: «اوقووچیلر و اوقیتووچیلر نینگ زهرلنیشی اوچون، اشک‌آور دارو‌‌سیدن قوللنیلگن.» سرپل معلومات و مدنیت ریاست رئیسی گه کوره، حاضر ایسه زهرلنگن کیشی‌لر نینگ ساغلیق وضعیتی قانیقرلی دیر.
باشقه بیر تامان‌دن، سرپل معارف ریاست رئیسی محمد رحمانی نینگ ایتیشیچه، حاضر ایسه اوشبو ایکی مکتب، اوقووچیلر یوزی گه یاپیق دیر و مذکور ولایت ساغلیق نی سقلش ریاستی، اوقووچیلر نینگ زهرلنیشی اوچون قوللنیلگن دارو نینگ تیکشیرماقده دیر.
بیزلرنینگ توییترده هم تعقیب قیلینگ!
سرپل معارف ریاست رئیسی اوشبو واقعه سببی نی، شخصی دشمن‌لیک عنوان قیلیب و ایتیشیچه، بو توغریده کوپینچه تدقیقات نینگ دوامی بار.
باشقه بیر تامان‌دن، سانچارک تومنی نینگ قوم بویوک‌لری هم مذکور واقعه عامل‌لری نینگ جزالنتیریلیشی گه تاکید‌لب، اسلام امیر‌لیگی‌دن مکتب‌لر نینگ امنیتی آلینیشی نی ایسته‌گنلر.
