بلخ ولایتی قیزیل آی کمیتهسی مسئوللری، اوشبو ولایتده نیچه تیکووچیلیک ایشخانه قوریش بیلن چمهسی ۱۰۰ عیالنی ایش بیلن تأمینلب و اولر گه تیکووچیلیک و گلدوزلیک امکانیتینی یرهتیب بیرگنلرینی اېتهدیلر.
بلخ ولایتیده قیزیل آی ادارهسینینگ مطبوعات مسئولی کریم صالحزاده گه کوره، بو ایشخانهلر سرپرستسیز عیاللرنی ایش بیلن تأمینلش و اولرنینگ قۉللب-قوتلش مقصدیده قوریلگن.
بیزلرنینگ فیسبوک صحیفهمیزگه باش اورینگ!
صالحزاده جنابلری، مذکور ایشخانهلر بیر میلیون افغانیدن کوپراق خرهجت کوتاریب و بلخ ولایتینینگ تورلی حدودلریده عیاللرنی ایش بیلن تأمینلش و اولر گه ایش امکانیتلرینی یرهتیش مقصدیده قوریلگنینی معلوم قیلهدی.
اوشبو مرکزلرده ایش بیلن تأمینلنیب، گلدوزلیک و تیکووچیلیک امکانیتی یرهتیلگن عیاللر، اولر اوچون امکانیت یرهتیلیشیدن خورسندلیک قیلیب و حکومت مسئوللریدن، یشاوچیلر اینیقسه عیاللر گه کوپراق ایش فرصتلری یرهتیب بیریشنی اېستهیدیلر.
بیزلرنینگ «ایکس» ترماغی ده هم تعقیب قیلینگ!
اولرنینگ ایشانچی گه کوره، بو گَل ایشخانهلر قوریلیشی، عیاللرنینگ اۉزینی-اوزی تأمینلش و عایلهلری اقتصادی گه یاردم بیریش گه سبب بولهدی.
مملکت مقیاسیده، سۉنگی ییللرده ایشسیزلر رقمی کوپهیگن بیرحالده، عیاللر اوچون بو تیکووچیلیک ایشخانهلر قوریلیب و اولر ایش بیلن تأمینلنگنی اېتیلهدی.
