صناعت وسوداگرلیک وزیرلیگی، افغانستان نینگ کان‌لر، برق و آست قورمه‌لری اوستیگه سرمایه یاتقیزیش مقصدیده، روسیه، ایران و پاکستان‌لیک کمپنیه‌لر بیلن سوداگرلیک شرطنامه امضاله‌گنیدن خبر بیره‌دی.
صناعت وسوداگرلیک وزیرلیگی نینگ سوزلاوچیسی عبدالسلام جواد آخوندزاده، اوشبو کمپنیه‌لر بیلن شرطنامه امضالنگنیدن خبر بیریب ایتیشیچه، بیر میلیارد دالرلیک پروژه‌لرنی تطبیق ایتیش خصوصیده مذکور کمپنیه‌لر نینگ نماینده‌لری افغانستان گه سفر قیلیش‌لری کوتیله‌دی.
بیزلرنینگ فیسبوک صحیفه‌میزگه باش اورینگ!
عبدالسلام جواد آخوندزاده گه کوره: «صناعت و سوداگرلیک وزیرلیگی روسیه، ایران و پاکستان‌لیک کمپنیه‌لر بیلن سوداگرلیک شرطنامه امضاله‌گن و مشترک سرمایه یاتقیزووچیلر، برق ایشلب چیقریش، سالنگ یولی ایکینچی فازی قوریلیشی، پنجشیر سووینی کابل گه انتقال بیریش، کابل_قندهار و قندهار_هرات سرک‌لرینی قوریش دیر، اوشبو پروژه‌لر بیر میلیارد دالر ارزشی گه امضالنگن.»
عین‌حالده، اقتصادی ایش بیلرمان‌لردن قطاری روسیه، ایران و پاکستان‌لیک کمپنیه‌لر بیلن سوداگرلیک شرطنامه امضاله‌نیشینی خوش قرشی‌لب ایتیشلریچه، اوشبو پروژه‌لر عملگه آشیریلگن تقدیرده اولکه یشاوچیلری گه ایش زمینه‌سی یره‌تیلیشی ممکن.
بیزلرنینگ توییترده هم تعقیب قیلینگ!
اقتصادی ایش بیلرمان عبدالنصیر رشتیا گه کوره: «منطقه مملکت‌لر اورته‌سیده سوداگرلیک شرطنامه امضاله‌نیشی اونملی دیر و کمپنیه‌لر تورلی خیل پروژه‌لر اینیقسه برق، کان و آست قورمه‌لرده سرمایه یاتقیزیش گه علاقه کورسته‌دی و بو یول آرقه‌لی اولکه یشاوچیلری گه ایش زمینه‌سی یره‌تیله‌دی.»
صناعت و سوداگرلیک وزیرلیگی نینگ معلوماتی اساسیده، اوتگن بیر ییل ده افغانستان ده ۱۵۰ چیت ایل‌لیک کمپنیه، اوشبو وزیرلیک دن فعالیت جوازینی آلگن.