صناعت و سوداگرلیک وزیرلیگی بوگون (شنبه، ۲۲ میزان)، اوز ایکس (تویتری) ده اوشبو وزیرلیک سرپرستی بیر قطار مؤسسه‌لر بیلن همکارلیک کیلیشوونامه امضاله‌گنیدن خبر بیرگن.
مذکور وزیرلیک اوز تویتری ده کوپه‌یتیریشیچه، صناعت و سوداگرلیک وزیرلیگی سرپرستی نورالدین عزیزی، «اسلامیک ریلایف»، « بازسازی و واکنش بشردوستانه برای افغانستان»، «کمک‌های کاملاً انسان دوستانه برای افغانستان جدید»، «برک افغانستان»، «پاملرنه» و باشقه آلتی مؤسسه مسئوللری بیلن همکارلیک کیلیشونامه امضاله‌گن.
بیزلرنینگ فیسبوک صحیفه‌میزگه باش اورینگ!
اوشبو کیلیشونامهلر گه بناً، مذکور مؤسسه‌لر پروژه‌لرنی افغانستان ده‌گی عیاللرنی سوداگرلیک و اقتصادلرینی کوچه‌یتیریش، اسلام قدریت‌لری اساسیده عایله‌لر نینگ اقتصادینی قوللب_قوتلش، ایش زمینه‌لرینی یره‌تیش اوچون سرمایه یاتقیزیش، کیچیک سوداگرلیک اوچون سرپرست‌سیز عایله‌لرنی حمایت قیلیش، کمبغل و قشاق عایله‌لر گه ایش زمینه‌لرینی یره‌تیش بولیم‌لریده تطبیق ایتیش‌لری ممکن.
صناعت و سوداگرلیک وزیرلیگی گه کوره، ۲.۵ میلیون دالرلیک مذکور پروژه‌لر، کابل، هرات، بلخ، سمنگان، جوزجان، بامیان، ننگرهار و قندهار ولایت‌لری ده عملگه آشیریله‌دی.
بیزلرنینگ «ایکس» ترماغی ده هم تعقیب قیلینگ!
مملکت صناعت و سوداگرلیک وزیرلیگی اوشبو ییل ده، ۴۲ میلیون دالرلیک ۲۱ پروژه نی ۱۶ ولایت ده تورلی بولیم‌لرده کیچیک و اورته سوداگرلیک ترقیاتی اوچون امضاله‌گن، بو پروژه‌لر عملگه آشیریلیشی بیلن قریب ۳۵۰ مینگ کیشی ایش بیلن تامینله‌نیشی کوتیله‌دی.
