صناعت و سوداگرلیک وزیرلیگی مسئوللری نینگ ایتیشلریچه، مملکت‌ده صناعت کوچلنیشی مقصد، تورلی ولایت‌لرده ۲۶ صناعتی ینگی پارک نینگ قوریلیشی گه قرار آلینگن.
صناعت و سوداگرلیک وزیرلیگی سوزلاوچیسی آخوندزاده عبدالسلام جواد نینگ ایتیشیچه، مذکور صناعتی پارکلر نینگ قوریلیش طرحی اوشبو وزیرلیک آرقه‌لی اسلام امیرلیگی باش وزیری نینگ اقتصادی اورین باسرلیگی گه تاپشیریلیب و تیزلیککه بو پارکلر قوریلیش ایشی نینگ باشلنیشی ممکن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «ولایت‌لردن قطاری‌ده ینگی ۲۶ صناعتی پارک نینگ قوریلیشی اوچون تکلیف صورت تاپگن. ینگی تکلیف اسلام امیرلیگی باش وزیری نینگ اقتصادی اورین باسرلیگی گه بیریلگن و ایشلری ایسه بیتگن دیر. تیزلیککه صناعتی پارکلر نینگ ایجاد بولیشی اوچون ایشلر نینگ عملی شکلده باشلنیشی ممکن.»
جناب جواد نینگ اورغولشیچه، حاضر ایسه افغانستان ۴۴ سکتور و ۱۳۶ قلم نینگ ایشلب چیقریش خصوصیده خودکفالیککه ایریشگن. «توپلم شکلده کابل، پروان، هرات، بلخ، فراه، ننگرهار و قندهار ولایت‌لریده ۱۶ صناعتی پارک نینگ فعالیتی بار. حاضر ایسه ۴۴ سکتو و ۱۳۶ قلم ده خودکفا و ۲۹ سکتور و ۱۰۴ قلم جنس ده یریم خودکفامیز. باشقه ۱۶ سکتور ۳۳۶ قلم‌ده هم ایشلب چیقریش بار و بو رقم‌لر حاضر ایسه کوپه‌یماقده دیر.»
صناعت و سوداگرلیک وزیرلیگی صناعتی ینگی پارکلر ایجاد بولینیشی‌دن مقصد، مملکت‌ده صناعت رواجلنیشی عنوان قیلگنی بیرحالده؛ بیراق صناعتچیلر و صناعتی پارک‌لرده ایش‌خانه ایگه‌لری، قیین‌چیلیکلری حل بولمه‌گنی‌دن شکایت قیلیب و ایتیشلریچه، ایش‌خانه‌لر اوچون برق جریانی درست ایمسلیگی، ماس بازار یوقلیگی، خام ماده کم‌لیگی و اونینگ واردات خصوصیده‌گی کوپینچه خره‌جت و بانکی قیین‌چیلیکلر، ایشلری فایده‌سی و ایشلب چیقریش خصوصیده سلبی تاثیر قویگن.
بو توغریده صناعتی پارک‌لرده ایش‌خانه ایگه‌لریدن بیری رحمت‌‌گل نوری نینگ ایتیشیچه: «صناعتچیلر گه ستندرد شکلده ییر قوریلمه‌گن. صناعتچیلردن کوپینچه‌سی کرایی ییرلرده ایش قیله‌دیلر که یوقاری خره‌جت دیر. قیین‌چیلیکلردن باشقه بیری بانک‌لر و ترانسفرلر ایشلری درست شکلده ایمس و صرافی یولی آرقه‌لی پول المه‌شتیریله‌دی که کوپینچه خره‌جت کوتاره‌دی. خام ماده‌لر دیر که صناعتی شرکت‌لر وارد قیله‌دی. بازار یوقلیگی دیر. خودکفالیککه ییتیشگن سکتور‌لر، ایچکی واردات گه تعرفه نینگ کوپراق بولیشی کیره‌ک.»
بیزلرنینگ فیسبوک صحیفه‌میزگه باش اورینگ!
شونینگدیک صناعتی پارک‌لرده ایش‌خانه ایگه‌لریدن باشقه بیری عبدالجبار صافی نینگ ایتیشیچه: «۲۴ ساعت برقی‌میز بولیشی کیره‌ک. مارکیت و ایشچی نینگ قولدن کیته‌سلیگی کیره‌ک. برق یوقلیگی اوچون، صناعتی پارکلر نینگ ستندرد بولیشی کیره‌ک. بانک‌لرده آسایشته‌لیک بولسین، صناعتچی آسان بیر شکلده تشقی‌دن توار کیلتیره آلمه‌یدی. بانک تکتی بوندن آلدین ۲۰۰ دالر ایدی، حاضر ایسه ۱۵۰۰ دالر بولگن.»
ایتیش کیره‌ک که، بوندن آلدین مملکت گه قیته‌دیگن سوداگرلر اوچون قولی‌لیک یره‌تیش کمیته‌سی، مملکت گه قیتگن سوداگرلر و سرمایه یاتقیزووچیلر اوچون صناعتی پارکلر یره‌تیب و ییر ترقه‌تیلیشی خصوصیده سعی و حرکت قیلیشی نی اَیتگن ایدی.