صناعت وسوداگرلیک وزیرلیگی، نیچه کوندن بویان ایچکی تولیدلردن حمایت ایتیش مقصدیده اولکه بویلب کمپاین یولگه قویگن.
مذکور وزیرلیک سوزلاوچیسی عبدالسلام جواد، اسلام امیرلیگیدن ایچکی تولیدلرنی قوللب_قوتلش مقصدیده، حکومتی برچه اداره‌لرده اوشبو تولیدلردن قوللنیشنی سوره‌یدی.
اونینگ کوپه‌یتیریشیچه، افغانستان ۶۳ سوداگرلیک توارده اوزینی تأمینله‌گن و اولرنی چیت ایل دن وارد قیلیش گه نیاز ایمس دیر.
بیزلرنینگ فیسبوک صحیفه‌میزگه باش اورینگ!
عبدالسلام جواد گه کوره: «بیز نیچه کوندن بویان، ایچکی تولیدلردن حمایت ایتیش مقصدیده کمپاین یولگه قویگن‌میز، بیز اسلام امیرلیگیدن ایچکی تولیدلردن حمایت ایتیش مقصدیده وطنی محصولات دن قوللنیشنی ایسته‌یمیز. افغانستان سیخ گول، دارو و لبنیات کبی ۶۳ سوداگرلیک توارده اوزینی تأمینله‌گن.»
صناعت و سوداگرلیک اتاقی، ایچکی تولیدلردن حمایت ایتیش کمپاین یولگه قویلیشینی خوش قرشی‌لب و مملکت اقتصادی ترقیاتی اوچون اونملی بیله‌دی.
صناعت و سوداگرلیک اتاق اعضاسی خانجان الکوزی نینگ ایتیشیچه: «ایچکی تولیدلردن حمایت ایتیش اوچون ملی کمپاین یولگه قویلگن. بیز بو کمپاین‌نی خوش قرشی له‌یمیز و شونینگدیک مملکت اقتصادی ترقیاتی اوچون اونملی بولیشی ممکن.»
عین‌حالده، ایش بیلرمان‌لردن قطاری گه کوره، اسلام امیرلیگی نینگ اوشبو برنامه‌سی، تنزل گه دوچ بولگن کمپنیه‌لرنی قوتقریشی ممکن.
اقتصادی ایش بیلرمان عبدالنصیر رشتیا گه کوره: «اوتگن بیر ییل ده قطار کمپنیه‌لر، اقتصادی قیینچیلیک باعث تنزل گه دوچ بولگن، بو اقدام اولرنی قوتقریشی ممکن و شونینگدیک سرمایه یاتقیزیش گه ترغیب قیلیش اوچون اونملی بولیشی کوتیله‌دی.»
بیزلرنینگ توییترده هم تعقیب قیلینگ!
صناعت و سوداگرلیک وزیرلیگی نینگ ایتیشیچه، منطقه مملکت‌لر اینیقسه چین، روسیه و ایران اوشبو مملکتده سرمایه یاتقیزیش گه علاقه‌مند دیر.
اوشبو وزیرلیک نینگ معلوماتی گه بناً، اوتگن بیر ییل ده خارجی ۱۵۰ کمپنیه مذکور وزیرلیک دن فعالیت جوازینی آلگنلر.
صناعت و سوداگرلیک وزیرلیگی نینگ معلوماتی اساسیده، افغانستان ده تورت مینگ دن آرتیق ایشلب چیقرووچی کمپنیه فعالیت قیلماقده و سونگی کونلرده، ۷ مینگ سوداگرلیک کمپنیه نینگ جوازی تمدید ایتیلگن.