هلمند ولایتی سنگین تومنی‌ده اوروشلر یکونلنگنی‌دن قریب تورت ییل بولگنی بیرحالده، بیراق حاضرگچه بو تومن‌ده اوروش سیما‌سی اوزگرمه‌ی، مینگ‌لرچه یشش اوی و باغ بو ییرده ویرانه شکلده قالگن.
اوتگن اوروش‌لرده اوی‌لری ویران بولگن هلمند ولایتی سنگین تومنی یشاوچیلری، اقتصادی قیین‌چیلیک‌لر سبب اوی‌لرینی قیته قوره آلمه‌گنلر.
بیزلرنینگ فیسبوک صحیفه‌میزگه باش اورینگ!
اویی‌نی قیته قوریش اوچون حرکت قیله‌دیگن سنگین تومنی یشاوچیسی ابراهیم جان‌‌نینگ ایتیشیچه، بو ایش قریب ۹ یوز مینگ خره‌جت کوتاره‌دی که بو مقدار پول گه کوچی ییتیشمه‌یدی. «قیته قوریلیشی‌گه باشله‌گنیم اوی اوچ میلیون الی ۳ میلیون ۵۰۰ مینگ پاکستانی کلدار خره‌جت کوتاره‌دی؛ بیراق حاضرگچه بو مقدار خره‌جت‌نی تولدیره آلمه‌گن‌من و بو بولیم‌ده یاردم گه نیازیم بار.»
شونینگدیک سنگین تومنی یشاوچیلری‌دن باشقه بیری آرمان‌گل‌نینگ ایتیشیچه، اویی و باغی ویران بولگنی سبب یامان وضعیت‌ده قرار تاپگن. «اوتگن اوروشلر سبب هیچ نرسه‌‌میز قالمه‌گن. باغ‌لر، یشش اوی‌لر و برچه نرسه‌لر بوزولگن. یشش اوی‌نینگ ایشیگی‌نی کوره‌سیز که اوق‌لر بیلن توته توته بولگن.»
هلمند حاکمی سوزلاوچیسی محمد‌قاسم ریاض‌نینگ ایتیشیچه، سونگی ییل‌ده‌گی اوروش‌لرده سنگین تومنی‌نینگ تجارتی بازاری بوتونلی شکلده اورته‌دن کیتیب، ۱۵ مینگ یشش اوی و قریب ایکی مینگ باغ بو تومن‌ده بوزولگن.
جناب ریاض‌نینگ کوپه‌یتیریشیچه، بوزولگن اوی‌لردن یالغیز ۱۰۰ ته یشش اوی قاچقین‌لر ریاستی نظری آستیده، یاردم بیرووچی نهاد‌لر آرقه‌لی قوریلگن. «سنگین تومنی تجارتی بازاری مکمل شکلده اورته‌دن کیتگن. بو حقیقت دیر که بو تومن‌‌ده‌گی یشاوچیلر اوی‌لرینی قیته قوریش‌‌گه کوچی ییتیشمه‌یدی. اوتگن اوروش‌لرده قریب ایکی مینگ باغ و ۱۵ مینگ یشش اوی ویران بولگن که بو آره‌ده ۱۰۰ ته اوی قاچقین‌لر ریاستی نظری آستیده، یاردم بیرووچی نهاد‌لر یاردمی بیلن قیته قوریلگن. اونینگ یانیده بیر قطار اوی‌لر اهالی تامانیدن قوریلگن.»
بیزلرنینگ «ایکس» ترماغی ده هم تعقیب قیلینگ!
هلمند‌نینگ سنگین تومنی جمهوریت دوره‌سیده، اوروش‌نینگ اصلی میدان‌‌لریدن بیری بولیب و کوپینچه ویران‌لیککه اوچره‌گن که بو ویران‌لیک سبب مذکور تومن یشاوچیلری عادی حیات‌لری‌گه قیتیشلری اوچون حکومت و یاردم بیرووچی نهاد‌لردن همکارلیک ایسته‌گنلر.
