سمنگان مرکزی ایبک شهری ده مدرسه ده پارتلش عاقبتیده، ۱۹ کیشی هلاک بولیب و باشقه ۲۳ کیشی یره‌لنگن.
سمنگان ولایتی کسلخانه باشلیغی سیدمحمدعثمان حمیدی نینگ سلام‌وطندار گه ایتیشیچه، اوتگن کون –چهارشنبه، ۹ قوس، اوشبو ولایت ده «جهادیه» اسملی دینی بیر مدرسه ده یوز بیرگن پارتلش ده، ۱۹ کیشی قربان بولیب و باشقه ۲۳ کیشی یره‌لنگن.
سمنگان ولایتی کسلخانه باشلیغی نینگ کوپه‌یتیریشیچه، مذکور واقعه طفیلی اولیب و یره‌دارلر آره‌سیده باله‌لر هم شامل دیر. شفاکارلر، بلخ حوزه‌وی کسلخانه‌سیگه انتقال بیریلگن یره‌دارلر نینگ احوالینی قانیقرلی دیگنلر.
بیزلرنینگ فیسبوک صحیفه‌میزگه باش اورینگ!
اوشبو پارتلش اوتگن کون توش نمازینی اوقیش چاغیده، سمنگان مرکزی ایبک شهری حدودلریده جایلشگن «جهادیه» مدرسه‌سیده یوز بیرگن.
ایچکی ایشلر وزیرلیگی سوزلاوچیسی عبدالنافع تکور، مذکور پارتلش عاقبتیده اوشبو مدرسه نینگ چمه‌سی ۱۰ اوقووچیسی هلاک بولگن و باشقه بیر قطاری ایسه یره‌لنگنینی ایتگن ایدی.
عبدالنافع تکور نینگ کوپه‌یتیریشیچه، کشفی و امنیتی کوچلر اوشبو «کیچیریب بولمس واقعه» عامللرینی قولگه آلیش مقصدیده سعی و حرکت قیلماقده‌لر.
اسلام امیرلیگی باش وزیرلیگی نینگ سیاسی اورین باسری مولوی عبدالکبیر، ارگ نینگ توییتری ده ترقه‌لگن قیغوداشلیک پیامیده، مذکور پارتلش‌نی قتیق شکلده قاره‌لب، بو هجوم‌نی انسان قدریت‌لری و اسلام قاعده‌لری گه قرشی و «کیچیریب بولمس» جنایت دیگن.
بیزلرنینگ توییترده هم تعقیب قیلینگ!
اوشبو پیام ده یازیلیشیچه: «افغانستان خلقی و اسلام یاولری قرآن و سنت طلبه‌لرینی نشانگه آلیش بیلن، اسلام بیلن دشمن ایکنلیکلرینی اثباتله‌دیلر. اوشبو جنایت عامللری جواب‌سیز قالمسلیگیدن ایشانچ بیلدیره‌من.»
عین‌حالده، سابق دولت ملی یره‌ش عالی کینگش باشلیغی عبدالله عبدالله هم، فیسبوک صحیفه‌سیده بیر پیام ترقه‌تیب مذکور پارتلش‌نی قاره له‌گن.
جناب عبدالله نینگ یازیشیچه، نماز اوقووچیلر، طلبه‌لر، دینی مدرسه‌لر، مسجدلر و عبادتخانه‌لر نشانگه آلینیشی، اسلام و انسان قدریت‌لری گه قرشی دیر.
شونینگدیک افغانستان سابق دولت رهبری حامد کرزی، بیر بیانیه ترقه‌تیب اوشبو پارتلش نی قاره‌لب و اونی انسان و اسلام قدریت‌لری گه گه قرشی اته‌گن.
مذکور پارتلش مسئولیتینی حاضرگچه هیچ کیم یا گروه تن آلمه‌گن.