سالنگ قتناو یولیدن اوتیب-قیتهدیگن یولاوچیلردن قطاری، بو یولده دستلبکی خذمتلر یوقلیگیدن شکایت قیلیب و فواید عامه وزیرلیگیدن یولاوچیلر گه کوپینچه آسایشتهلیک یرهتیلیشینی ایستهگنلر.
اوتگن شنبه کیچه سالنگ قتناو یولینینگ یاپیلگنی بیلن نیچه ساعت آچیق فضاده قالگن قندوز ولایتی یشاوچیسی غفور و بلخ مرکزی مزارشریف شهری یشاوچیسی احمدنینگ ایتیشلریچه، سرپرست حکومت آرقهلی یولاوچیلر گه مهمانخانه، کلینیک و داروخانه قوریلیشی کیرهک.
بیزلرنینگ فیسبوک صحیفهمیزگه باش اورینگ!
غفورنینگ کوپهیتیریشیچه: «اهالی اوچون قیینچیلیکلر کوپ دیر. بیران نرسه عاجل شکلده نیاز بولهدی. اتاق آز دیر و سیار اتاقلر، کلینیک و داروخانه قوریلیشی کیرهک. چونکه بولر شاشلینچ پیتلرده نیاز بولهدی. حداقل سالنگ تونلی ۱۴ ولایت بیلن باغلنسین. بو یولدن اوتیب-قیتهدیگنلر سانیگه قدر اولرگه آسایشتهلیک یرهتیلسین.»
احمد گه کوره: «سالنگ نینگ ایکی تامانیده مهمانخانه قوریلسین و شمال تامان بارهدیگن یولاوچیلر شاشلینچ پیتلرده اوشبو ییرلرده قالسینلر.»
شونینگدیک سالنگ قتناو یولیدهگی یولاوچیلردن باشقه بیری قدیر، سرپرست حکومتدن سالنگ قتناو یولیدهگی یولاوچیلرنینگ زیان کوریشی آلدی آلینیشی اوچون، اولر گه کوپراق آسایشتهلیکلر یرهتیلیشینی ایستهگن. «یولاوچیلر اوچون تینچ بیر جای قوریلسین، کلینیک قوریلسین، آزیق-آوقت محصولاتی ساتیلهدیگن جایلر قوریلسین. بیر قیینچیلیک چیقگنیده سالنگنینگ ایکی تامانیدهگی کیشیلر حد اقل بیر کیچه و کوندوز یا-ده نیچه کون او ییرده قالسینلر و تلف بولمهسینلر.»
شوندهی بیرحالده، فواید عامه وزیرلیگی مسئوللرینینگ ایتیشلریچه، سالنگ قتناو یولیدهگی یولاوچیلر قیینچیلیگی حلی اوچون ایکی ته کلینیک و نیچه قوتقرو اتاقلر فعال بولگن دیر.
بیزلرنینگ «ایکس» ترماغی ده هم تعقیب قیلینگ!
فواید عامه وزیرلیگی سوزلاوچیسی محمداشرف حقشناسنینگ ایتیشیچه: «سالنگ قتناو یولیده قوتقروو اتاقلر بار که اولکهداشلریمیز مذکور اتاقلردن فایدهلنه آلهدی. حاضر فعال هم بولگن و فواید عامه وزیرلیگی تیملری مذکور قتناو یولده بار و شاشلینچ وضعیتلرده اولکهداشلریمیز گه همکارلیک قیلهدیلر که بیران قیینچیلیک بیلن روپهره بولمهسینلر. شونینگدیک سالنگ قتناو یولینینگ ایکی تامانیده ایکیته کلینیک فعال بولیب و نیاز بولگن چاغیده اوندن فایدهلنه آلهدیلر.»
فواید عامه وزیرلیگی مسئوللرینینگ ایتیشلریچه، سالنگنینگ اساسی یولی جاری قویاش ییل ۴-جدیگه قدر اوتیب-قیتهدیگنلر یوزیگه آچیلیب و اونینگ آچیلیشی بیلن یشاوچیلر قیینچیلیگیدن کوپینچهسینینگ حل بولیشی ممکن.
