سالنگ قتناو یولی نینگ ۸۰ کیلومتر قیته قوریش ایشی، چهارشنبه کونی، ۲۱ سرطان، مملکت باش وزیرلیگی نینگ اقتصادی اورین باسری عبدالغنی برادر، عامه منفعت وزیرلیگی نینگ سرپرستی محمدعیسا ثانی، پروان و بغلان ولایتی مسئوللری و خصوصی سکتور نماینده‌لری حضوری باشلنگن.
عبدالغنی برادر نینگ ایتیشیچه، قوش‌تیپه کانالی دن کیین بو ملی و اقتصادی بویوک ایکینچی پروژه دیر و ایشی یکونلنیشی بیلن، شمال دن جنوب گه قدر سوداگرلیک بولیمی گه قولی‌لیک یره تیله‌دی.
بیزلرنینگ فیسبوک صحیفه‌میزگه باش اورینگ!
باش وزیرلیک اقتصادی اورین باسری نینگ کوپه‌یتیریشیچه، سرپرست حکومت پروژه‌لرنی عملی قیلماقده و قرارداد قیلگن شرکت‌لر بیلن برچه تامانلمه همکارلیک قیلیش گه تیار دیر.
سالنگ قتناو یولی، پروان ولایتی جبل‌السراج تومنیدن باشله‌نیب بغلان ولایتی خنجان تومنی گه قدر، ایکی خصوصی شرکت تامانیدن قیته قوریلیب و ایشی ایکی ییل گچه یکونلنه‌دی.
اوشبو پروژه نینگ توپلم خرجتی حاضرگچه بیللی ایمس.
عامه منفعت وزیرلیگی سرپرستی گه کوره، سالنگ قتناو یولی اسفالت بولیش خرجتی مذکور یول نینگ ایچکی درآمدی دن توپلنگن.
بیزلرنینگ توییترده هم تعقیب قیلینگ!
پروان امنیه قوماندانی عزیزالله عمر نینگ ایتیشیچه، مذکور پروژه تطبیقی اوچون امنیت ۱۰۰ فایز تأمینلنگن. او قرارداد قیلگن شرکت‌لر و یولاوچیلر گه، ۲۴ ساعت اوشبو یول دن خاطر جمع‌لیک بیلن قتنه‌شیش‌لری ممکن‌لیگیدن ایشانچ بیره‌دی.
عین‌حالده، ییتتی ییل دن بیری سالنگ قتناو یولی یشاوچیلری و یولاوچیلر، اوشبو یول بوزوق‌لیگیدن شکایت قیلگنلر.
سالنگ قتناو یولی، شمالی توقیز ولایت و سوداگرلیک بویوک تورت بندرنی پایتخت کابل گه باغله‌یدی.
