سلام‌وطندار، مملکت ده سونگی سیاسی اوزگریش دن کیین عیاللر آره‌سیده ۱۷۳ قتل و اوزینی اولدیریش واقعه نی تیکشیرگن، اونگه اساس، عیاللر آره‌سیده قتل و اوزینی اولدیریش واقعه‌لری مثل‌سیز درجه ده کوپه‌یگن. سلام‌وطندار نینگ اوشبو تیکشیروی اساسیده، عیاللر نینگ اولدیریش میزانی قویاش ۱۴۰۰-ییل ده ۳ واقعه، قویاش ۱۴۰۱-ییل ده ۷ واقعه و قویاش ۱۴۰۲-ییل ده ۱۲ واقعه یوز بیرگن.
مذکور تیکشیرو گه کوره، قویاش ۱۴۰۰ییل نینگ یریمی ده ۱۶ قتل واقعه یوز بیرگن، قویاش ۱۴۰۱-ییل ده ۸۴ واقعه و اوشبو ییل نینگ یریمی ده ۷۳ اوزینی اولدیریش واقعه یوز بیرگن و عیاللر آره‌سیده اولدیریش واقعه کوپه‌یشیدن درک بیره‌دی.
سلام‌وطندار نینگ مملکت بویلب سونگی سیاسی اوزگریش‌لردن کیین تیکشیرگن معلوماتی اساسیده، عیاللر آره‌سیده ۱۲۶ قتل واقعه یوز بیرگن و اولر دن ۴۷ ته‌سی اوزینی اولدیریش واقعه دیر.
باشقه تاماندن، مملکت ده سونگی اوزگریش‌لردن کیین عیاللر آره‌سیده قتل واقعه‌لریدن ۱۰۳ ته‌سی نامعلوم شکلده یوز بیریب و باشقه ۷۰ واقعه نینگ دلیلی بیللی بولگن.
مذکور تیکشیرو اساسیده، فاریاب ده ۲۰ واقعه یوز بیریش بیلن ولایت‌لر باشی ده قرار تاپیب و اوندن کیین کابل و هرات ده ۱۳ واقعه و غور ده ۱۲ قتل و اوزینی اولدیریش واقعه‌لری یوز بیریش بیلن کیتمه-کیت قرار تاپگنلر.
شونینگدیک، بغلان و تخار ولایت‌لری نینگ هر بیری ده توقیز واقعه، بادغیس و پروان ولایت‌لری نینگ هر بیری ده ۸ واقعه قید ایتیلگن.
کاپیسا، ننگرهار و دایکندی ولایت‌لری نینگ هر بیری ده ۷ واقعه، جوزجان، سرپل و بلخ ولایت‌لری نینگ هر بیری ده عیاللر نینگ اوزینی اولدیریش و قتل واقعه‌لری ثبت ایتیلگن.
شونینگدیک، بدخشان و ارزگان ولایت‌لری نینگ هر بیری ده بیش واقعه یوز بیرگن.
غزنی، هلمند وبامیان ولایت‌لریده اورته روشده تورت-تورت قتل واوزینی اولدیریش واقعه و پنجشیر، سمنگان، قندهار و قندوز ولایت‌لری نینگ هر بیری ده اوچ قتل و اوزینی اولدیریش واقعه قید ایتیلگن.
سلام‌وطندار نینگ معلوماتی اساسیده، عیاللر آره‌سیده قتل و اوزینی اولدیریش اینگ آز واقعه لوگر، کنر و پکتیکا ده یوز بیرگن، لوگر و کنر ولایت‌لری نینگ هر بیری ده ایکی واقعه و پکتیکا ولایتی ده بیر واقعه قید ایتیلگن.
بیزلرنینگ فیسبوک صحیفه‌میزگه باش اورینگ!
شونینگدیک، پاکستان ده افغانستان‌لیک مهاجرلر نینگ عایله‌لری آره‌سیده بو کبی زوروانلیک ایکی واقعه و کانادا ده افغانستان‌لیک مهاجرلر عایله‌لری اورته‌سیده بیر واقعه یوز بیرگن.
اوشبو تیکشیرو اساسیده، ۱۰۳ قتل و اوزینی اولدیریش واقعه سببی بیللی بولمه‌ی و نامعلوم شکلده یوز بیرگن، بیراق ۷۰ واقعه نینگ سببی بیللی بولگن.
سلام‌وطندار نینگ معلوماتی گه بناً، مذکور واقعه‌لر نینگ ۴۴ موردی عایله‌وی زوروانلیک، ۷ موردی نامشروع مناسبت، بیش موردی اوغیرلی، اوچ موردی روحی قیینچیلیک، اوچ موردی لفظی تارتیشوو، اوچ موردی زوردن تورموش گه چیقریش، بیر موردی جنسی زوروانلیک، بیر موردی جنسی زورلش گه قصد قیلیش، بیر موردی قصدی شکلده، بیر موردی شخصی دشمن‌لیک و باشقه بیر موردی پاکستان ده مهاجرت حجتی نامعلوم‌لیگی و تقدیرسیزلیگی باعث یوز بیریب و باشقه ۱۰۳ واقعه نینگ دلیلی نامعلوم شکلده قالگن.
اوشبو تیکشیرو گه کوره، مذکور قتل‌لر نینگ عامل و قاتل‌لری فرقلی دیر؛ بیراق اکثریتی ایرلری تامانیدن یوز بیرگن.
۲۸ قتل ایری تامانیدن، ۲۳ واقعه عایله اعضالری تامانیدن، ۷ واقعه قرینداش‌لری تامانیدن، بیر واقعه بیر عیال تامانیدن و باشقه بیر واقعه اوغیرلیک باعث یوز بیرگن. بیراق ۶۶ قتل واقعه نینگ عامللری نامعلوم دیر.
اوشبو ۱۷۳ قتل و اوزینی اولدیریش واقعه ایریم واقعه‌لر باعث یوز بیرگن. سلام‌وطندار نینگ معلوماتی اساسیده ۱۱۷ واقعه نینگ قنده‌ی یوز بیریشی بیللی بیراق باشقه ۵۵ واقعه نینگ قنده‌ی یوز بیریش دلیلی بیللی ایمس.
مذکور تیکشیرو اساسیده، ۴۸ واقعه قورال بیلن آتیلیشی، ۲۵ واقعه دار گه آسیش، ۱۸ واقعه پیچاقلب اولدیریش، ۱۱ واقعه بوغیب اولدیریش، ۴ واقعه مرگ‌موش ییش، ایکی واقعه بالته بیلن اولدیریش، بیر واقعه بورین و قولاق نی کیسیش، ایکی واقعه کلتکلش، ایکی واقعه زهر و تیزاب ایچیش، ایکی واقعه بنا دن اوزینی تشلش، بیر واقعه جنسی زورلش، بیر واقعه ماین پارتلشی و باشقه بیر واقعه سوو گه چوکیب هلاک بولیش طفیلی یوز بیرگن.
اولدیریلگن عیاللر آره‌سیده بیش حامله عیال شامل دیر. مذکور عیاللر قندوز، بغلان، فاریاب و ایکی عیال هرات ولایتی یشاوچیلری دیر.
اولدیریلگن عیاللر نینگ کوپی متاهل و ۱۵ و ۳۰ یاش آره‌سیده بولگنلر.
قتل واقعه‌لری نینگ ۳۱ موردی «سلام‌وطندار» خبرلری، ۱۳۵ موردی «اطلاعات روز» خبرلری، بیر موردی «طلوع‌نیوز» خبرلری، تورت موردی «دویچه‌وله» خبرلری و باشقه بیر موردی «بی‌بی‌سی» خبرلریدن آلینگن.
روانشناس‌لر و جمعیت‌شناس‌لر، اسلام امیرلیگی سرپرست حکومتی تامانیدن خاتین قیزلر گه یره‌تیلگن چیکلاولر همده مکتب‌لر و بیلیم یورت‌لر ایشیگی یاپیلیشینی، عیاللر آره‌سیده قتل و اوزینی اولدیریش واقعه‌لری کوپه‌یش عاملی عنوان قیله‌دیلر. اولر نینگ ایتیشلریچه، عیاللر نینگ کیله‌جککه دایر امیدسیزلیک‌لری اولر آره‌سیده اوزینی اولدیریش واقعه‌لری کوپه‌یشی گه سبب بولگن.
جمعیت‌شناس ضیا نیکزاد نینگ ایتیشیچه: «اسلام امیرلیگی تامانیدن عیاللر گه یره‌تیلگن چیکلاولر نینگ سلبی تاثیری بولیشی ممکن، چونکه بوندن آلدین کوپ سانده عیاللر اجتماعی، سیاسی و فرهنگی ساحه‌لرده فعالیت قیلیش گه امیدوار بولگن ایدیلر.»
روانشناس کوکبه نواب گه کوره: «بیر انسان امیدسیز بولسه، تیریکچیلیک قیله آلمسلیگینی اویله‌یدی، اساسی عاملی هم قیز اوقووچیلر یوزی گه مکتب و بیلیم یورت‌لر یاپیلیشی و عیاللر نینگ ایش گه باره‌آلمسلیگی دیر.»
شو بیلن بیرگه، عیال مدافع وکیل‌لریدن بیرقطاری عایله‌وی زوروانلیک، زوردن تورموش گه چیقریش و عیاللر نینگ ایش گه باره‌آلمسلیگینی اولر آره‌سیده قتل و اوزینی اولدیریش واقعه‌لری کوپه‌یش دلیلی بیله‌دیلر. اولر نینگ ایتیشلریچه، جمهوریت توزومی ده عیاللر نینگ اوزینی اولدیریش واقعه‌لری گه گواه بولگنلر بیراق توزوم اوزگریشی بیلن بو کبی واقعه‌لر کوپه‌یگن؛ لیکن اوشبو واقعه‌لر قنده‌ی یوز بیریشی و عاملی تیکشیریلمه‌یدی.
جمهوریت توزومی ده مدافع وکیل‌لردن ایمن بسمل گه کوره: «افغانستان ده نامعلوم قتل‌لر کوپه‌یگن، عایله‌وی زوروانلیک، زوردن تورموش گه چیقریش، ریجه‌لنتیریلگن قتل‌لر و سیاسی قتل‌لر دیر، افسوس بیلن افغانستان ده بیر قطار عیاللر نامعلوم شکلده اولدیریله‌دی و قنده‌ی یوز بیریشی و عاملی تیکشیریلمس‌لیک گواهی‌میز.»
جمهوریت توزومی ده مدافع وکیل‌لردن باشقه بیری فاضله منصوری نینگ ایتیشیچه: «سرپرست حکومت تامانیدن قیزلر یوزی گه مکتب و بیلیم یورت‌لر یاپیلیشی و عیاللر نینگ ایش گه باره‌آلمسلیگی کبی یره‌تیلگن چیکلاولر، اوزینی اولدیریش واقعه‌لری کوپه‌یشی گه سبب بولگن.»
بونگه قوشیمچه، بشر حقوقی مدافع‌لریدن بیرقطاری، مملکت بویلب عیاللر نینگ اوزینی اولدیریش واقعه‌لری کوپه‌یش سببینی، توزوم اوزگریشیدن کیین عیاللر گه یره‌تیلگن چیکلاولر عنوان قیله‌دیلر.
بیزلرنینگ «ایکس» ترماغی ده هم تعقیب قیلینگ!
بشر حقوقی فعالی مینه رفیق نینگ ایتیشیچه: «افغانستان ده عیاللر، اوزلری، تحصیل قیلیش کوچی گه ایگه بولیش‌لری گه ایشانیش اوچون اولر گه حق‌لری بیریلیشی کیره‌ک.»
شو بیلن بیرگه، ایش بیلرمان‌لر و عیال حقوقی فعاللریدن بیرقطاری، جمعیت ده موجود قیینچیلیک‌لرنی عیاللر نینگ اوزینی اولدیریش واقعه‌لری کوپه‌یش سببی دیب ایتیشلریچه، جمعیت وضعیتیدن راضی بولمسلیک اوزینی اولدیریش و قتل واقعه‌لری کوپه‌یشی گه سبب بوله‌دی.
اجتماعی ایش بیلرمان نبی احمدی نینگ ایتیشیچه: «اقتصادی، اجتماعی، روحی، سیاسی عامللر بو کبی واقعه‌لر گه سبب بوله‌دی، بیز حاضرگی وضعیتدن راضی ایمس‌میز.»
عیال حقوقی فعالی زینب رضایی گه کوره: «عایله‌لر نینگ کمبغل‌لیگی، عیاللر نینگ ایش‌سیزلیگی، اولر گه یره‌تیلگن چیکلاولر باعث، یاش‌لر اینیقسه عیاللر کونسه‌یین امیدسیز بولیب و اوزینی اولدیریش گه قول اورماقده‌لر.»
برچه‌سی بیلن سرپرست حکومت ایچکی ایشلر وزیرلیگی، عیاللر آره‌سیده قتل و اولدیریش واقعه‌لر رقمی حقیده بیلگی بیرمسه ده، بیراق ایتیشیچه، اوشبو ییل نینگ ایکینچی یریمی ده عیاللر و ایرکک‌لر شامل ۵۱۴ واقعه ثبت ایتیلگن.
مذکور وزیرلیک سوزلاوچیسی اورین باسری بسم‌الله حبیب نینگ سلام‌وطندار گه ایتیشیچه، اوشبو واقعه‌لر عامل‌لریدن ۵۸۰ کیشی قولگه آلینگن و قالگن ۱۷۱ واقعه عاملی قاچگن.
او نینگ کوپه‌یتیریشیچه: «قضیه‌سی پولیس تامانیدن کشف بولگن و قالگن ۱۵۸ واقعه پولیس تامانیدن تیکشیریلماقده، اولر ارا ۴۳ فایزی اوز ارا قتل‌لر، ۳۶ فایزی عایله‌وی قرشی‌لیک، ۷ فایزی ناموسی قتل‌لر، ۳۰ فایزی لفظی تارتیشوو، ۳۰ فایزی اوغری‌لیک، ایکی فایزی حقوقی دعوالر، بیر فایزی روحی قیینچیلیکلر و ۴ فایزی نامعلوم دلیل‌لر سبب یوز بیرگن.»
مملکت ده سونگی سیاسی اوزگریش دن کیین عیاللر جمعیت دن چیکله‌نیب، قیز اوقووچیلر یوزی گه مکتب و بیلیم یورت‌لر ایشیگی یاپیلیب و عیاللر نینگ ایش گه باریشی تقیق‌لنگن حالده، عیاللر آره‌سیده قتل و اولدیریش واقعه‌لری کوپه‌یگن.
