روسیه اردوسی، سۉنگی بیر هفته ایچیده اوکراین‌نینگ دونباس حدودلریده اوچ منطقه‌نی باسیب آلگنلر.
روسیه تاس یېتکرمه‌سی، اوشبو مملکت مدافعه وزیرلیگی‌دن نقل قیلیب یازیشیچه، روسیه حربی کوچلری اوشبو میلادی ییل ۴ دن ۱۰ جنوری کونلری گه قدر، اوکراین‌نینگ دونباس حدودلریده اوچ منطقه‌نی باسیب آلگن.
شونینگدیک مذکور وزیرلیک، روسیه هوا کوچلری بیر هفته ایچیده اوکراین گه عاید ۶۸۹ اوچووچی‌سیز اوچاق و امریکا ایشلب چیقریگن راکته‌لرنی یوق قیلگنینی اېتگن.
بیزلرنینگ فیسبوک صحیفه‌میزگه باش اورینگ!
سۉنگی آی‌لرده روسیه حربی کوچلری اوکراین‌نینگ بیرقطار قیشلاق و منطقه‌لرینی باسیب آلگنینی ادعا قیلیب و بو مملکت‌نینگ دونتسک منطقه‌سیده غرب تامان آلغه بارماقده‌لیک‌لرینی معلوم قیلگنلر.
عین‌حالده، اوکراین جمهور باشلیغی ولودیمیر زلنسکی، قویاش ۱۴۰۳-ییل، ۲۲-جدی، اوکراین اوروشی‌ده روسیه اردوسینی حمایه قیلیش مقصدی بیلن کېلگن، شمالی کوریانینگ روسیه و اوکراین اورته‌سیده دوام اېته‌یاتگن اوروش‌ده یره‌لنگن ایکّی عسکری حبس گه آلینیب و کی‌یف گه انتقال بیریلگنیدن خبر بیرگن.
بیزلرنینگ «ایکس» ترماغی ده هم تعقیب قیلینگ!
اوکراین حربی رسمیلرینینگ معلومات‌لری اساسیده، شمالی کوریانینگ قریب ۱۰ مینگ دن ۱۲ مینگ عسکری، کی‌یف گه قرشی اوروش‌ده روسیه اردوسی گه قوشیلگن. بیراق شمالی کوریا بوتوغریده هلیگچه فکر-ملاحظه بیلدیرمه‌گن.
