روسیه اوکراینگه اویوشتیرهدیگن هجوملری دوامیده، بوگون (۱۶-سنبله، یکشنبه)، پهپاد و راکته بیلن کییفنی نشان گه آلگن.
اسوشیتد پرس آژانسینینگ گزارش بیریشیچه، روسیه آرقهلی اویوشتیریلگن هجومده، اوکراین وزیرلر کابینه بناسی آلاو آلگن.
مذکور هجوملرده، کمیده ایکی کیشی اولیب و ۱۵ کیشی یرهلنگن.
روسیه جمهور باشلیغی ولادیمیر پوتین، جمعه کونی اوکراینگه اوروشنینگ یکونلنیشی اوچون راضی بولمهگنی صورتده، اوروشنینگ زور بیلن یکونلنیشی توغریسیده آگاهلنتیرگن.
اوکراین اوروشی، ۲۰۲۲-ییل فبروری آییده روسیهنینگ هجومی بیلن باشلهنیب، آتیش کیسین اوچون دنیا همجمعیتی اینیقسه غربنینگ سعیوحرکتی بولگنی بیرحالده، سونگی کونلر کوچهیگن.
روسیه اوروشنینگ یکونلنیشی اوچون اوکرایندن بو مملکت اردوسی نظارتیده بولگن دونتسکنینگ اَیریم بولیملری کبی حدودنینگ بیریلیشینی ایستهگن.
شونینگدیک روسیه، اوکرایننینگ ناتو اتفاقیدن اوزاق بولیشینی طلب قیلگن.
