اوکراین جمهور باشلیغی ولودیمیر زلنسکینینگ ایتیشیچه، روسیه آرقهلی نیچه شهرگه اویوشتیریلگن ینگی هوا هجوملری نتیجهسیده، کمیده اوچ کیشی اولیب و ۴۹ کیشی یرهلنگن. زلنسکینینگ آگاهلنتیریشیچه، قربان بولگنلر سانینینگ کوپهیشی ممکن.
زلنسکی، بوگون (۱۶-جوزا، جمعه)، اکس صحیفهسیده یازیشیچه، روسیه «اوز ماهیتینی اوزگرتیرمهیدی» و ینه بیر مرته کینگ هجومی بیلن، اوکرایننینگ کوندهلیک حیاتینی نشانگه آلگن.
بیزلرنینگ فیسبوک صحیفهمیزگه باش اورینگ!
اوکراین جمهور باشلیغینینگ کوپهیتیریشیچه، اوشبو هجومده ۴۰۰دن آرتیق پهپاد و بالستیک راکتهلری شامل ۴۰ راکته، روسیه تامانیدن آتیلگن که اولردن قطاری اوکراین هوا مدافعه تیزیملری آرقهلی یوق قیلینگن.
زلنسکینینگ اورغولشیچه، مسکو اوکراین شهرلری و قیشلاقلریگه اویوشتیرهدیگن هدفلی هجوملری برابریده جواب بیریشی کیرهک. اونینگ یازیشیچه: «بو اوروشنینگ باشلنگنیدن بیری روسیه شهرلر و قیشلاقلردهگی اهالینینگ حیاتینی نابود قیلماقچین. حاضر ایسه مذکور اوروش توختهتیلیشی اوچون امریکا، اروپا و باشقه برچه مملکتلرنینگ روسیه گه باسیم کیلتیریش وقتی دیر. باسیم کیلتیرمهگنلری و جانلرنینگ آلینیشی اوچون بو اوروشگه کوپراق وقت بیرگنلری صورتده، بو یعنی همکارلیک و مسئولیت.»
بیزلرنینگ «ایکس» ترماغی ده هم تعقیب قیلینگ!
اوکراین جمهور باشلیغی، اوزینینگ غرب شریکلریدن مسکو گه دیپلماتیک و حربی باسیملرنی کوچهیتیریش بیلن، اوشبو اوروشنینگ دوام قیلیشیگه توسیق بولیشلرینی ایستهگن.
روسیه و اوکراین اوروشی، ۲۰۲۲-ییل فبروری آییدن باشلنیب و مذکور اوروشنینگ توختهتیلیشی اوچون حاضرگچه خلقارا سعیوحرکتلر نتیجه بیرمهگن.
