روسیه بوگون ایرتهلب (۱۹-جدی/ ۹-جنوری، جمعه)، پهپاد و راکته بیلن اوکراینگه هجوم قیلگن. اوکراین رسمیلرینینگ ایتیشیچه، روسیهنینگ بو مملکتگه اویوشتیرگن هجومی نتیجهسیده، ۳ کیشی اولیب و کمیده ۱۶ کیشی یرهلنگن.
لویو بلدیهسی آندری سادوفینینگ اعلام قیلیشیچه، شونینگدیک روسیه مذکور هجومده اوکراین غربیده جایلشگن بو شهردهگی مهم آستقورمهلرنی راکته بیلن نشانگه آلگن.
شونینگدیک کییف حربی اداره باشلیغی تیمور تکاچنکونینگ اعلام قیلیشیچه، روسیه هجومی نتیجهسیده بو شهرده بیر قطار منطقه نشانگه آلینیب و دسنیانسکی منطقهسیگه توشگن پهپاد، یشش بیر بنانینگ نیچه قوتیگه زیان ییتیشتیرگن.
شونینگدیک کییفنینگ دنیپر منطقهسیده هم، نیچه قوتلی بیر بنانینگ زیان کورگنیدن گزارشلر ترقهتیلگن.
ایتیش کیرهک که، مذکور هجوم اوکراین جمهور باشلیغی ولودیمیر زلنسکینینگ «روسیه آرقهلی بیر هجوم اویوشتیریلیشی» توغریسیده آگاهلنتیرگنیدن کیین، یوز بیرگن. زلنسکی سونگی بیانیاتیده، روسیه قیش موسومینینگ قیین وضعیتیدن فایدهلنماقده دیب، ایتگن.
