اوکراین حربیسینینگ اعلام قیلیشیچه، روسیه ینه بیر مرته بو مملکت توپراغینینگ بیر قطار بولیملرینی راکته و پهپاد بیلن نشانگه آلگن.
رویترز آژانسینینگ گزارش بیریشیچه، روسیه بوگون ایرتهلب (۶-جدی/ ۲۷ دسمبر، شنبه)، اوکراین پایتختی کییف همده بو مملکتنینگ جنوبی و شمالشرقی منطقهلرینی نشانگه آلگن.
روسیه هجومیدن کیین اوکرایننینگ هوا هجومیدن دفاع قیلیش تیزیملری فعال بولگن. حاضرگچه روسیهنینگ اوکراین گه اویوشتیرگن هجومی نتیجهسیده ییتیشگن زیانلر توغریسیده معلومات ترقهتیلمهگن.
ایرته اوکراین جمهور باشلیغی ولودیمیر زلنسکی، امریکا جمهور باشلیغی دونالد ترامپ بیلن مذکور مملکتنینگ فلوریدا ایالتیده، روسیه بیلن تینچلیک بوییچه کیلیشووگه ایریشیش حقیده مذاکره قیلیشی بیرحالده، روسیهنینگ هجوملری اویوشتیریلگن.
روسیه و اوکراین آرهسیده توقنشوولر باشلنگنیدن قریب تورت ییل بولگن و بو مدتده، اوروش توختهتیلیشی و آتیش کیسین برقرار بولیشی اوچون بولگن سعیوحرکتلر نتیجه بیرمهگن.
