رغزه توقیش بدخشاننینگ عنعنوی قول صناعتلریدن بیری بولیب، اوتگن ییللردن بویان بو ولایتدهگی عیاللر آرهسیده عرف بولیب کیلگن. اوشبو صناعت رنگلر، نقشلر و عیاللرنینگ خاص ظرافتی اویغونلیگی بیلن، کوپراق اویلرده بجریلهدی و عیاللردن قطاری اوچون عایلهلرینینگ نیازلرینینی تامینلش توغریسیده یگانه یول دیر.
بدخشان دهگی رغزه توقهدیگنلردن بیری زهرانینگ سلاموطندار گه ایتیشیچه، بالهلیک چاغیدن بویان بو صناعتگه قیزیققن ایکن و حاضر ایسه مذکور صناعت عایلهسینینگ درآمد منبعلریدن بیری بولگن. اونینگ کوپهیتیریشیچه: «رغزه توقیش، مین و عایلهمنینگ اقتصادیگه کوپ تاثیر قیلگن و مین بو یولدن بیر مقدار درآمد قولگه کیلتیرهمن که کوندهلیک نیازلریمیزدن قطارینینگ تامینلشگه یاردم بیرهدی. بعضا پولیمیز آزراق بولگنیده، رغزه توقهمیز و بو مالی قیینچیلیکلریمیزنی حل قیلهدی. اوشبو ایش مینی اوچون اضافی بیر درآمد منبعسی کبی دیر.»
بیزلرنینگ فیسبوک صحیفهمیزگه باش اورینگ!
بدخشان دهگی رغزه توقهدیگن عیاللردن باشقه بیری مرضیهنینگ ایتیشیچه، نیازی بولگن نرسهلرنینگ دستلبکی مادهلرینی محلی بازارلردن تیارلهیدی؛ لیکن صفتلی مادهلر یوقلیگی اولرنینگ اساسی قیینچیلیکلریدن بیری دیر. اونینگ کوپهیتیریشیچه: «اوی ایشی آز بولگنیده، بیر کونده ۵دن ۶ ساعتگچه رغزه توقهمن. بعضا ایسه بیر هفتهده بیر رغزه یا-ده ایکی رغزهنی توقهمن. بعضا رغزهنینگ دیزاینلری و نقشهلری ایشی کوپ بولهدی و وقتنی کوپ آلهدی. ساده اوسکونهلر بازارده تاپیلهدی؛ لیکن صفتلی رنگلر یا-ده مخصوص ایپ کبی یخشیراق نرسهلر تاپیلمهیدی.»
صناعت و مذکور عیاللرنینگ وقفهسیز سعیوحرکتی بیرحالده، لیکن محصوللرینینگ ساتیلیشی بازاری اونچهلیک یخشی ایمس. بدخشان دهگی رغزه ساتووچیلردن بیری پریسانینگ ایتیشیچه: «حاضرگچه محصوللریمیز صادر بولمهگن؛ مشتریلریمیز هم فیضآباد دهگی کیشیلر دیر. بدخشان ولایتیدهگی کیشیلر دیر و بعضا ایسه اطرافدهگی کیشیلر دیر، چونکه اطرافدهگی یشاوچیلر رغزهگه قیزیقهدی و کوپراق قوللنهدیلر.»
رغزه ساتووچیلردن باشقه بیری سیدصبورنینگ ایتیشیچه: «اوچ-تورت ییل آلدین اهالی کوپراق قیزیقیب و رغزه ساتیب آلهر ایدیلر؛ رنگبه-رنگ قالین و گیلم ساتیب آلهر ایدیلر؛ لیکن بو ییللر ایسه اهالی آزراق رغزه ساتیلهدیگن دکانلرگه کیلهدیلر.»
شوندهی بیرحالده، بدخشان سودا و صناعت ریاستینینگ تدبیرکارلیک مسئولی ثمرالدین رحمانیگه کوره، قول صناعتینی قوللب-قوتلش، بو ریاستنینگ اولویتلریدن بولیب و مناسب بازار یرهتیلیشی اوچون سعیوحرکت قیلماقدهلر. «تدبیرکارلیک مرکزینی توزتماقچینمیز. اسلام امیرلیگینینگ تعهدی بو دیر که، هر بیر ولایت اینیقسه، بدخشان ده تدبیرکارلیک مرکزی قوریلسه و یقینده ایشلری کوریب چیقیلهدی. قیینچیلیکلر حل بولهدی. سودا و صناعت ریاستی بو توغریده دایم سعیوحرکت قیلگن و دایم تدبیرکارلیک اینیقسه توقووچیلیک رواجلنیشیگه تیگیشلی حمایتچیلر و موسسهلرنی جدی همکارلیککه تشویق قیلگنلر.»
بیزلرنینگ «ایکس» ترماغی ده هم تعقیب قیلینگ!
ایتیش کیرهک که، بازار یوقلیگی، صفتلی مادهلرنی تیارلش توغریسیده قیینچیلیکلر و اهالی قیزیقیشی کمهیشی کبی قیینچیلیکلر بولگنی بیرحالده، بدخشان دهگی عیاللر آرهسیده قیزیقیش بیلن رغزه توقیلهدی. اوشبو عیاللر صناعتی نه فقط فرهنگی بیر میراث، بلکیم مذکور تاغلی ولایتدهگی عایلهلردن کوپ قطاری اوچون اقتصادی تهینچ دیر که بو صناعت، حکومت و یاردم بیرووچی نهادلر آرقهلی کوپراق حمایت بولینیش، توجه قرهتیلیش و رواجلنیشگه سزاوار.
