افغانستان اوچون بیرلشگن ملتلر تشکیلاتی انسان حقلری مخصوص گزارشگری ریچارد بنتنینگ اعلام قیلیشیچه، ایران افغانستانلیک یوزلب کیشینی جاسوسلیک عیبی بیلن قولگه آلگن.
جناب بنت، بوگون (۱۴-سرطان، شنبه)، اکس صحیفهسیده بیرلشگن ملتلر تشکیلاتی بیلرمانلرینینگ بیر بیانیهسینی ترقهتیب یازیشیچه، ایران بیر قطار افغانستان اهالیسی همده قومی و دینی آزچیلیک اعضالرینی «همکارلیک» یا-ده «جاسوسلیک» عیبی بیلن قولگه آلگن.
بیزلرنینگ فیسبوک صحیفهمیزگه باش اورینگ!
بنت گه کوره، ایران و اسرائیل آرهسیدهگی توقنشوولر جریانیده و شونینگدیک اوندن کیین، ییتکرمهلرده کمسیتیش، نفرت ترقهتیش و زورهوانلیککه اوندهش حقیده گزارشلر ترقهتیلگن که اولرده، «انسانی بولمهگن» تیلدن فایدهلگن و افغانستان یشاوچیلری و آزچیلیک جمعیتلر «خائن» دییلگن.
بیرلشگن ملتلر تشکیلاتی بیلرمانلری، مذکور بیانیهده ایران دن آتیش کیسیندن کیین، «سرکوب اورنیده حمایت قیلیش» یولینینگ تنلهنیشینی سورهگن.
اولرنینگ اورغولشیچه: «اوروشدن کیینگی دوره، ناراضلیکلر و باسیملرنی سرکوب قیلیش اوچون بیر بهانه بولمسلیگی کیرهک.»
مذکور بیانیهده کیلیشیچه، ایران و اسرائیل آرهسیده اوروش باشلنگنیدن بویان، کمیده آلتی کیشی «اسرائیل گه جاسوسلیک قیلیش» عیبی بیلن دار گه آسیلگن.
بیزلرنینگ «ایکس» ترماغی ده هم تعقیب قیلینگ!
مذکور بیلرمانلرگه کوره، باشقه یوزلب کیشی جملهدن اجتماعی ترماقلر ایشلاوچیلری، خبرچیلر، بشر حقوقی مدافعهلری، چیت ایللیکلر اینیقسه افغانستانلیکلر و بهاییلر، کُردلر، بلوچلر و اهوازی عربلری کبی آزچیلیک اعضالری هم قولگه آلینگن.
اسلام امیرلیگی و ایران اسلامی جمهوریتی حاضرگچه، اوشبو بیانیهگه قرشی عکسالعمل بیلدیرمهگنلر.
