تخار ولایتی درقد تومنی نینگ آمو دریا قیره‌لریده یشب کېله‌یاتگن یشاوچیلریدن بیرقطاری، یاز موسومیده آمو دریا سووی تاشیشی بیلن اورمان‌لر گه قۉشیمچه سرک‌لر، اریق‌لر و نیچه قیشلاق نی اۉزی بیلن آلیب کېتگنینی اېته‌دیلر.
درقد تومنی یشاوچیلریدن بیرقطاری، آمو دریا قریب ۲۰۰ متر بویانگه سیلجیب ایکینچیلیک ییرلر، قیشلاق‌لر و سرک‌لرنی آلیب کېتگن، بوتوغریده دقت قیلینمه‌گن حالده اولر نینگ ایکینچیلیک ییرلری و یشش اوی‌لرینی هم آلیب کېتیشیدن آگاه‌لنتیره‌دیلر.
درقد تومنی یشاوچیسی ارباب ظاهر نینگ ایتیشیچه: «آمو دریا قریب ۲۰۰ متر بویان گه سیلجیب، قیشلاق‌لر، سرک‌لرنی آلیب کېتدی، بو ییرده‌گی قیشلاق‌لر باشقه جای‌لر گه کوچیب کېتدیلر.»
بیزلرنینگ فیسبوک صحیفه‌میزگه باش اورینگ!
درقد تومنی یشاوچیلریدن باشقه بیری ظاهر سولر گه کوره: «بو ییرده اورمان، سرک، قیشلاق بار اېدی دریا آلیب کېتدی، بوتوغریده نه جمهوریت توزومی و نه هم اسلام امیرلیگی حاکمیتیده دقت قیلینگن، بی‌فرق بولیشگن حالده بیزنی هم اوی-جایمیزنی آلیب کېته‌دی.»
تخار ولایتی درقد تومنی یشاوچیلریدن باشقه بیری اسلام‌الدین رهبر، دریا سووی تاشگن پیتیده باله‌لر شامل بویوک کیشی‌لرنی آلیب کېتیب حتا اولر نینگ جسدلرینی تاپه آلمه‌گنلری اېته‌دی. «سوو تاشقینی پیتیده یشاوچیلر کوپ مالی و جانی نقصان کوره‌دی، سوو تاشگن پیتیده باله‌لر و کتّه کیشی‌لرنی آلیب کېته‌دی حتا اولر نینگ زنده و مرده‌سی تاپیلمه‌یدی.»
اولر مسئوللردن، آمو دریا بوندن کوپراق اورمان‌لر، ایکینچیلیک ییرلر و قیشلاق‌لرنی آلیب کېتمسلیگی اوچون اوشبو دریا قیره‌لری مستحکم‌لنیشینی اېسته‌یدیلر.
بیزلرنینگ «ایکس» ترماغی ده هم تعقیب قیلینگ!
تخار دریایی پنج‌پائین ریاستی نینگ مسئوللری، آمو دریا قیره‌لرینی مستحکم‌لش سکیز لایحه عملگه آشیریلیب و مذکور ولایت نینگ ینگی‌قلعه تومنی ضعیف حدودلری بوتونلی مصئون بولگنیدن ایشانچ بیره‌دیلر.
تخار دریایی پنج‌پائین ریاستی نینگ تخنیکی مصلحتچیسی عبدالواحد رجب گه کوره، سوو و برق وزیرلیگی دریایی حوزه اداره‌سی همکارلیگی بیلن ضعیف حدودلرنی انیقله‌گن و بوتوغریده‌گی لایحه‌لر استه-سکین و کېتمه-کیت عملگه آشیریله‌دی.
اونینگ ایتیشیچه: «آمو دریا قیره‌لرینی مستحکم‌لش سکیز لایحه عملگه آشیریلگن، ینگی‌قلعه تومنی ضعیف حدودلری بوتونلی مصئون بولگن. سکیزینچی لایحه عملگه آشیریلماقده، سوو و برق وزیرلیگی دریایی حوزه اویغون‌لیگی بیلن ضعیف حدودلرنی انیقله‌گن.»
اسلام امیرلیگی بوندن آلدین، آمو دریا قیره‌لرینی مستحکم‌لش اوچون دنیا همجمعیت دن مالیه‌وی یاردم بیریشینی اېسته‌گن اېدی.
