کابل ده قیزیل خاچ کسلخانهلریدن بیرینینگ تیمیر دروازهسی آچیلیب، کسللردن بیرتهسی عصا، بیرتهسی ویلچر و باشقه بیرتهسی ایسه اوروشلردن قالگن مایننینگ پارتلشی نتیجهسیده تنهسیدن بیر قسمتینی قولدن بیرگن بیر باله بیلن بیرگه، کیتمه-کیت کسلخانه گه کیرماقده.
بو ییرده صنعی اعضالرنینگ توزهتیلیشی اوچون بیر ایشخانه فعال بولیب و مذکور ایشخانهده ۱۱ عیال ایشلماقده. اولر مراجعت قیلهدیگنلرنینگ احتیاجلریگه قرهب، حیاتنینگ یوکینی یینگیللتهدیگن صنعی اعضالرنی یرهتیشگه حرکت قیلماقده.
بیزلرنینگ فیسبوک صحیفهمیزگه باش اورینگ!
کیسیش اوسکونه بیلن پلاستیکنینگ تیگهیاتگن تاووشی، کیچیک ایشخانه فضاسینی تولدیرگن. مذکور ایشخانهده صنعی ایاق بیلن میز یانیده توریب توختهگن یاش بیر عیال، آغریق و تجربه بیلن تولگن قوللری بیلن پلاستیکنینگ ساووق قسمتلرینی باشقه عیاللر و بالهلر اوچون امیدبخش اعضالریگه اَیلنتیرماقده.
۴۲ یاشر مژگان الکوزی، بیش یاشرلیگیده ایچکی اوروشلر جریانیده هاوان اوقی سبب چپ ایاغینی قولگن دیر. اونینگ ایتیشیچه: «آنهم جمهوریت کسلخانهسیده بستری بولگنیده، مذکور کسلخانه دهلیزیگه هاوان اوقی توشدی که نتیجهده، یشاوچیلردن قطاری اولیب و بیر قطاری یرهلندی. مین هم چپ ایاغیمنی قولدن بیردیم.»
اونینگ کوپهیتیریشیچه، مذکور کونده یوز بیرگن دهشتدن ۳۷ ییل اوتگنی بیلن، بیراق حاضرگچه اونی اذیت قیلهدی. مژگانگه کوره، عایلهسی دایم اونی قوللب-قوتلهگن و کیلهجگی توغریسیده آتهسینینگ سعیوحرکتی سبب، حاضر او عیاللر و بالهلر یرهسی اوچون مرهم بولگن. «خدا گه شکر که سوادلی عایلهم بار. اولردن برچهسی مینی یانیمگه توختهدیلر. اوچینچی صنفگه قدر صنعی ایاغیم یوق ایدی. مینی کوتاریب مکتب گه آلیب بارهر ایدیلر. حاضر ایسه قابلهلیک بولیمیده لیسانسیم بار و اجتماع گه کیرگنمین.»
تورت کیشیلیک عایله سرپرستی بولمیش بانو الکوزینینگ ایتیشیچه، تورموش اورتاغی جمهوریت توزومیده حکومتی ادارهلردن بیریده مهندس ایکن؛ بیراق اسلام امیرلیگینینگ قدرت گه ایریشگنیدن کیین، ایشسیز بولگن. حاضر عایله نیازلرینی تامینلش مسئولیتی زمهسیگه بولگن مژگاننینگ ایتیشیچه: «تورموش اورتاغیم سینگه فخرلنهمن، سین کوچلی بیر عیالسین دیهدی.»
اونینگ کوپهیتیریشیچه، ناگران بولگن عیاللردن قطاری توی قیلیشدن کیین تورموش اورتاغلری تامانیدن ناگرانلیک طفیلی اویدن چیقریلگنلر. «کسللریمیزدن قطاری احساسی بولمهگن کیشیلر بیلن توی قیلگن؛ یعنی اولر بیلن حیاتنی دوام بیره آلمهگنلر. ناگرانلیکنی بیر قنچه وقتگچه کورمسلیکدن آلیب و کیین ایسه اجرهلگنلر. حقیقتا بو اذیت قیلووچی بیر موضوع دیر.»
مژگاننینگ ایشانچیگه کوره، کسلخانهده ایش محلیگه مراجعت قیلهدیگن عیاللردن کوپ قطاری، حیات کیچیریشدن امیدسیز بولگنلر و اونینگ قصهلرینی ایشیتیش بیلن، اوندن الهام آلهدیلر. «بو ییرگه کیلهدیگن عیاللر، کوپراق امیدسیزلر. بیزلر صنعی اعضا توزهتیشیمیز یانیده اولرگه اوزیمیزنی مثال بیرهمیز. اولرگه ایتهمیز که ناگرانلیک چیکلاو ایمس. اولرگه ایتهمیز که سعیوحرکت قیلینگلر و جمعیتینگیزگه و عایلهلرینگیزگه یاردم بیرینگلر.»
مژگاننینگ اورغولشیچه، اونینگ هدفی حیات کیچیریش توغریسیده امیدینی قولدن بیرگن عیاللرنینگ قیته قوتلش دیر. «ناگران بولگن کیشیلرگه پیامیم شو دیر که، دایم تلاش قیلسینلر. اولر موفق بوله آلهدیلر. ناگرانلیک چیکلاو ایمس. اولر برچه آرزولریگه ییتیشه آلهدیلر.»
شونینگدیک، اوشبو کسلخانهگه بالهلرینی کیلتیرگن عایلهلردن قطارینینگ ایتیشلریچه، بالهلری صنعی اعضا بیلن قیته اجتماع گه کیره آلگنلر. اوچ ییل آلدین ترافیکی حادثه نتیجهسیده چپ ایاغینی قولدن بیرگن، کابل یشاوچیسی بولمیش سکینهنینگ ییتی یاشر بالهسی هم بوگون اوشبو ایشخانه گه کیلگن. اونینگ بو توغریده ایتیشیچه: «صنعی ایاغ بالهمیز گه کوپ یاردم بیردی. حاجتخانه گه باره آلهدی، مکتب باره آلهدی و اوز قیینچیلیکلری نی حل قیله آلهدی. شفاکارلردن منتدارمیز. بو ییرگه کیلتیرگنیمیزده جودهیم یخشی شکلده خذمت قیلهدیلر.»
بیزلرنینگ «ایکس» ترماغی ده هم تعقیب قیلینگ!
آنه توغمه ناگرانلیگی سبب ایکی ایاغدن فلج بولیب و حاضر ایسه صنعی ایاغ بیلن قیته قوتلنگن ۱۲ یاشر بالهنینگ آنهسی سهیلاگه کوره: «قیینچیلیکلری حاضر حل بولگن و بیر ایاغی ایسه حاضر توزهلمهگن و او هم بخیر توزهلهدی.»
ناگران بولگن کیشیلرنینگ کوچسیز حسابلنیشی، مهارتلرینینگ کوریلمسلیکدن آلینیشی، ایش چیکلاولری، جمعیتده ناتوغری یاندهشوو و ناگرانلرگه مخصوص شرایطلرنینگ موجود ایمسلیگی، ناگران کیشیلرنینگ برابریدهگی اینگ مهم قیینچیلیکلردن حسابلنهدی؛ لیکن بو آرهده مژگان یشش گه امیدوار بولیب، باشقه ناگران کیشیلر یانیده توختهب و اولرگه حیات کیچیریشگه قیزیقیشلری توغریسیده سعیوحرکت قیلماقده.
