بلخ ولایتی چهاربولک تومنیده خلقارا قیزیل خاچ کمیتهسی آرقهلی ۷۵۰ دهقان گه نقد پول ترقهتیلگن.
بلخ قیزیل آی ریاستی باشلیغی محمدحنیف خالد، مذکور یاردمنینگ دهقانلرنی قوللب-قوتلش مقصد، ترقهتیلگنینی بیان قیلگن.
جناب خالدنینگ ایتیشیچه، اوتگن کون (۲۰-میزان، یکشنبه)، ترقهتیلگن مذکور نقد پولدن هر بیر دهقاننینگ سهمی ۲۵ مینگ افغانی دیر. «قیزیل خاچنینگ مالی یاردمی بیلن چهاربولک تومنیده ۷۵۰ دهقان گه نقد پول یاردم بیردیک. بو یاردم دهقانلرنی قوللب-قوتلش مقصد ترقهتیلگن.»
شوندهی بیرحالده، چهاربولک تومنیدهگی دهقانلردن قطاری، بو یاردملر ترقهتیلگنیدن خورسندلیک قیلیب و دهقانلر قیینچیلیگی حل بولیشی اوچون اساسی برنامهلر عملگه آشیریلیشینی ایستهگنلر.
مذکور تومندهگی دهقانلردن نیازاللهنینگ ایتیشیچه: «یاردملر قیینچیلیگیمیزنی حل قیلهدی، بیراق سوو، کیمیاوی کود و اوسکونهلر بولیمیده قیینچیلیکلریمیزنینگ حل بولیشینی ایستهیمیز.»
ایتیلیشچه، کیلهسی نیچه کونگچه بلخ ولایتی دولتآباد تومنیدهگی دهقانلرگه مذکور اداره آرقهلی نقد پول یاردم بیریلیشی ممکن.
