رئال مادرید، دنیا فوتبال کلوبلر اقتصادی ینگی ریتینگی (ردهبندی)ده بیرینچی اوریننی ایگللهگن.
سپورت یېتکرمهلرینینگ معلوماتی اساسیده، «بنچ مارک فوتبال» موسسهسی دنیا مقیاسیده کلوبلرنینگ اقتصادی قیمتینی تېکشیرگن و اسپانیاده رئال مادرید، ۶.۲۷۸ میلیارد یورو بیلن بیرینچی اورین گه قرار تاپگن.
بیزلرنینگ فیسبوک صحیفهمیزگه باش اورینگ!
بریتانیاده منچسترسیتی ۵.۱۰۴ میلیارد یورو بیلن ایکّینچی و منچستر یونایتد کلوبی هم سۉنگی ییللردهگی برچه پست-بلندلیکلر بیلن ۵.۰۵۱ میلیارد یورو بیلن اوچینچی اورینده تورگن.
اسپانیاده رئال مادریدنینگ سنتی رقیبی بارسلونا اېسه ۴.۴۵۹ میلیارد یورو بیلن تورتینچی و جرمنیده بایرن مونیخ ۴.۲۸۱ میلیارد یورو بیلن بیشینچی و ېنه هم بریتانیا نمایندهلیگیدن لیورپول ۴.۲۰۷ میلیارد یورو و آرسنال هم ۴.۰۱۰ میلیارد یورو بیلن آلتینچی و ییتّینچی اورینده تورگنلر.
بیزلرنینگ «ایکس» ترماغی ده هم تعقیب قیلینگ!
بو آرهده فرانسهدن یالغیز نماینده پاریسنژرمن، ۳.۷۶۰ میلیارد یورو بیلن سکیزینچی اورینده، تاتنهام هم ۳.۶۸۹ میلیارد یورو بیلن توقیزینچی و نهایت چلسی ۳.۰۱۶ میلیارد یورو بیلن اونینچی اورینده قرار تاپگن.
بوندن آلدین، رئال مادرید میلادی ۲۰۲۴-ییلنینگ اېنگ یخشی کلوبی صفتیده تن آلینگن اېدی.
