اروپا قهرمانلر لیگهسی گروهی باسیقیچیده ۹ مسابقه اوتکزیلدی، اینگ مهمیده رئال مادرید و آرسنال رقیبلریگه غلبه، منچسترسیتی و پاریسن ژرمن بای بیردی.
بو مسابقهلر ۳۰ جدی/ ۲۰ جنوری، سهشنبهدن چهارشنبه گه اوتر کیچه، اوتکزیلدی.
اروپا قهرمانلر لیگهسی گروهی باسقیچیده منچستر سیتی مهمان اولهراق بوده فوتبال تیرمه جماعهسی برابریده ۳-۱ حسابی بیلن بای بیردی، شونینگدیک انگلیس نمایندهلیگیدن آرسنال هم اینتر مهمانی ایدی و بو جماعهنی ۳-۱ حسابی بیلن مغلوب قیلدی، شونینگدیک، اسپورتینگ هم مهمانی پاریسن ژرمننی ۲-۱ حسابی بیلن مغلوب قیلدی و رئال مادرید هم موناکودن میزبانلیک قیلدی و بو جماعهنی تانیقلی یولدوزلری جملهدن کیلیان امباپهنینگ پارلشی بیلن ۶-۱ حسابیده مغلوب قیلدی.
اروپا قهرمانلر لیگهسی گروهی باسقیچیده بوگون هم ۹ مسابقه اوتکزیلهدی، اینگ مهم مسابقهلرده بایرن مونیخ میزبان صفتیده ساعت ۱۲:۳۰ ده سن ژیلوا، چلسی و یونتوس هم عینی ساعتده پافوس و بنفیکادن میزبانلیک قیلیشهدی و بارسلونا هم مهمان اولهراق اسلاویا پراگ بیلن بیللشهدی.
اوشبو مسابقهلرنینگ گروهی باسقیچیده آرسنال ۲۱ امتیاز بیلن بیرینچی اورینده، رئال مادرید هم ۱۵ امتیاز بیلن ایکینچی، بایرن مونیخ بیر اویین کم ۱۵ امتیاز بیلن اوچینچی، تاتنهام ۱۴ امتیاز بیلن تورتینچی، پاریسن ژرمن ۱۳ امتیاز بیلن بیشینچی، اسپورتینگ ۱۳ امتیاز بیلن آلتینچی، منچستر سیتی ۱۳ امتیاز بیلن ییتینچی و آتالانتا هم ۱۳ امتیاز بیلن سکیزینچی اورین گه تورگنلر.
ایتیش ضرور کی، بعضی جماعهلر اورتهسیده مسابقهلر اوتکزیلیشی بیلن امتیاز و اورینلر اوزگریشی ممکن.
