میلادی ۲۰۲۴-ییلده جاپانده اهالی بیر کونده اورتچه ۱ ساعت ۴۷ دقیقه وقتنی هوشمند تلفونلر گه صرفلهگنی معلوم بولدی. بو کورستکیچ دنیادهگی اېنگ یخشی نتیجه صفتیده بهالندی.
اوشبو گزارش گه کوره، دنیا مقیاسیده انسانلر هر کونی اورتچه ۴ ساعت ۳۷ دقیقه وقتنی تلفون گه صرفلهیدی. شونینگدیک، هر بیر شخص کونیگه اورتچه ۵۸ مرته قوریلمهسینی تېکشیرهدی.
غنالیکلر اېسه هوشمند تلفونلرده اېنگ کوپ وقت – ۵ ساعت ۴۳ دقیقه صرفلهیدی. جاپانلیکلر اېسه تلفوندن فایدهلنیشده دنیا اورتچهسینینگ یریمیدن هم کمراق وقت – ۱ ساعت ۴۷ دقیقه صرفلش بیلن اجرهلیب تورهدی. شونینگدیک، Z اولاد وکیللری سنلهدیگن هر تورت کیشیدن اوچ نفری تلفونلریده آرتیقچه وقت اوتکزیشنی آچیقچه تن آلهدی.
معلوماتلر گه کوره، انسان هر کونی تلفون ایکرَنیگه (تلفون صفحهسی) اورتچه ۴ ساعت ۳۷ دقیقه وقت اجرهتهدی. بو هفتهسیگه بیر کوندن آرتیق، آیی گه اېسه تخمیناً ۶ کوننی تشکیل اېتهدی. بیر ییل دوامیده اېسه بو تخمیناً ۷۰ کون هوشمند تلفون صفحهسیگه قرهب اوتکزیلهدی دیگنی.
ایش کونلریده هوشمند تلفوندن فایدهلنیش دم آلیش کونلریگه نسبتن انچه کوپراق. کون دوامیده هر بیر کیشی تلفوننی اورتچه ۵۸ مرته تېکشیرهدی. بو تېکشیرولرنینگ قریب ۵۲ فایزی (یعنی ۳۰ مرته) ایش ساعتلریگه توغری کېلهدی. شو طریقه، تلفوننی قولگه آلیش عادت توسیگه کیریشی ممکن. قوشیمچه معلوماتلر گه کوره، برچه صفحهلرنینگ یریمی سۉنگی فایدهلنیشدن اتهگی ۳ دقیقه اوتمسدن باشلنهدی. کون دوامیده هر سفر هوشمند تلفون قولگه آلینگنده، آدملر اورتچه ۱ دقیقه ۱۵ثانیه وقت صرفلهیدی.
اوشبو ریتینگ (ردهبندی) دنیانینگ تورلی منطقهلریدن ۵۳ ته دولت جای آلگن. خصوصاً جنوبی امریکا منطقهسیدهگی ۴ دولت «اېنگ کوپ وقت صرفلاوچیلر» قطاریده بیرینچی اونتهلیکه کیرگن. شونینگدیک، جنوبی-شرقی آسیادهگی ۳ مملکت هم کوچلی اونلیکده جای آلگن.
