سرپرست حکومت ترانسپورت و هوا یوللری وزیرلیگینینگ هواشناسلیک ریاستی، بوگون (۱۵-حوت، جمعه)، مملکتنینگ ۱۴ ولایتیده یاغینگرچیلیک و بوران یوز بیریشیدن خبر بیرگن.
اوشبو ریاست ایکس صحیفهسیده بیر بیانیه ترقهتیب، غور، سرپل، بلخ، سمنگان، بغلان، قندوز، تخار، بدخشان، نورستان، کنر، لغمان، کاپیسا، پنجشیر و پروان ولایتلریده قار، کوچلی یامغیر، چقماق و کوچلی بوران یوز بیریشی پیشبینلیک بولگنینی ایتگن.
بیانیهده کیلیشیچه، مذکور ولایتلرنینگ تورلی منطقهلریده یامغیر یاغیش میزانی ۱۰ دن ۲۵ ملیمتر و قار یاغیش میزانی ۱۰ دن ۲۵ سانتیمتر بولیشی ممکن.
هواشناسلیک ریاستی، سالنگلر شامل مرکزی ولایتلرده، بیر ساعت ایچیده ۵۰ دن ۷۵ کیلومتر سرعت بیلن کوچلی بوران یوز بیریشیدن آگاهلنتیرگن.
شونینگدیک ترانسپورت و هوا یوللری وزیرلیگینینگ هواشناسلیک ریاستی، ایسیقراق بولگن منطقهلرده سوو تاشقینی یوز بیریشی احتمالی موجودلیگینی یازگن.
