سرپرست حکومت ترانسپورت و هوا یوللری وزیرلیگینینگ هواشناسلیک ریاستی، بوگون و ایرته (۱۵-حمل، شنبه)، مملکت ۳۱ ولایتیده یاغینگرچیلیک و سوو تاشقینی یوز بیریشیدن خبر بیرگن.
اوشبو ریاست ایکس صحیفهسیده بیر بیانیه ترقهتیب، فاریاب، سرپل، جوزجان، بلخ، بدخشان، تخار، قندوز، سمنگان، بغلان، نورستان، پکتیکا، پکتیا، خوست، غزنی، میدانوردک، بامیان، پروان، پنجشیر، کاپیسا، کابل، لوگر، ننگرهار، کنر، لغمان، فراه، هلمند، غور، دایکندی، ارزگان، قندهار و زابل ولایتلریده یاغینگرچیلیک پیشبینلیک بولگنینی ایتگن.
بیانیهده کیلیشیچه، سالنگلر شامل مذکور ولایتلرنینگ تورلی منطقهلریده یامغیر یاغیش میزانی ۱۰ دن ۷۰ ملیمتر بولیشی ممکن. هواشناسلیک ریاستی، مملکت مرکزی و شرقی ولایتلریده، بیر ساعت ایچیده ۵۰ دن ۸۵ کیلومتر سرعت بیلن کوچلی بوران یوز بیریشیدن آگاهلنتیرگن.
شونینگدیک ساووق اقلیملی منطقهلر همده بلندراق بولگن حدودلرده کوچلی قار یاغیش احتمالی موجود بولیب، یاغینگرچیلیک جریانیده سوو تاشقینی خوفی بولگن منطقهلر همده دریالرگه یقین بولینمسلیک توصیه بولگن.
سونگی کونلرده، افغانستان ولایتلریدن قطاریده یوز بیرگن کوچلی یاغینگرچیلیکلر و سوو تاشقینلر، یشاوچیلردن قطاریگه جانی و مالی زیانلرنی ییتیشتیرگن.
