قندوز ایکینچیلیک، سووغاریش و چاروهچیلیک ریاستی مسئوللری‌نینگ ایتیشلریچه، اوشبو ولایت چهاردره تومنیده اوچ میلیون ۵۰۰ مینگ افغانی عوضی‌گه «گل‌باغ» سربندی‌نینگ قوریلیش ایشی باشلنگن.
اولرنینگ کوپه‌یتیریشلریچه، اوشبو لایحه ایکینچیلیک، سووغاریش و چاروهچیلیک وزیرلیگی آرقه‌لی تامین‌لنیب، مسئوللر و ایکینچیلردن قطاری‌نینگ حضوری بیلن آچیلگن.
بیزلرنینگ «ایکس» ترماغی ده هم تعقیب قیلینگ!
قندوز ایکینچیلیک، سووغاریش و چاروهچیلیک باشلیغی محراب‌الدین بلال گه کوره، مذکور سربند‌نینگ قوریلیش ایشی یکونلنگنی‌دن کیین چهاردره تومنیده ۱۰۰۰دن آرتیق ایکینچیلیک ییرنینگ سووغاریلیشی ممکن.
اونینگ ایتیشیچه، بو لایحه ایکینچیلیک محصوللر‌نینگ یخشی‌لش بیلن بیرگه، منطقه‌ده‌‌گی دهقانلر اوچون سوو تنقیص‌لیگی قیین‌چیلیگی‌نی کمه‌یتیره‌‌دی.
بیزلرنینگ فیسبوک صحیفه‌میزگه باش اورینگ!
بلال‌نینگ اورغولشیچه، گل‌باغ سربندی لایحه‌سی نه فقط ایکینچیلیک تولید‌لری توغریسیده ایجابی تاثیری بوله‌دی، بلکیم مستقیم و نامستقیم شکلده ۲۰۰۰ کیشی‌گه ایش زمینه‌سینی یره‌ته‌دی.
ایکینچیلر و محل یشاوچیلر، مذکور لایحه‌نینگ باشلنگنی‌دن خورسند‌لیک قیلیب و ایتیشلریچه، اونینگ یکونلنیشی بیلن ایکینچیلیک وضعیتی و دهقانلر حیاتی توغریسیده ایجابی اوزگریش‌نینگ یره‌ته آلیشی ممکن.
