قندوز و پنجشیر ولایت‌لری نینگ محلی مسئوللری، بغلان ده سوو تاشقین‌لری طفیلی جبرلنگنلر گه یاردم بیریش اوچون اوشبو ولایت گه یاردم بیرووچی تیملری نینگ یوباریلگنینی معلوم قیلگنلر.
قندوز ولایتی ساغلیق‌نی سقلش ریاستی باشلیغی محمد‌الله حکمت نینگ ایتیشیچه، امبولانس، دارو و باشقه نیاز بولگن نرسه‌لر شامل ساغلیق بیر تیم اوتگن کیچه بغلان ولایتی نینگ سوو تاشقینی طفیلی زیان کورگن ساحه‌لری گه باریب و زیان کورگنلر گه یاردم بیرگنلر.
بیزلرنینگ فیسبوک صحیفه‌میزگه باش اورینگ!
حکمت نینگ کوپه‌یتیریشیچه، اوشبو ریاست اورین‌باسری رحمت‌الله طوطاخیل ییتکچیلیگی‌ده باشقه بیر ساغلیق تیم سوو تاشقین‌لری طفیلی جراحت کوتارگن و زیان کورگنلر نی حوزه‌ای کسل‌خانه گه انتقال بیریش اوچون قندوز هوا قونلغه‌سیگه تعیین‌لنگنلر.
شونینگدیک پنجشیر محلی مسئوللری هم بغلان ولایتیده یوز بیرگن سوو تاشقین‌لریدن زیان کورگنلر گه یاردم بیریش اوچون ییتی کیشی‌لیک بیر تیم نینگ یوباریلگنی‌دن خبر بیرگنلر.
پنجشیر حاکمی سوزلاوچیسی سیف‌الدین لتون نینگ سلام‌وطندار گه ایتیشیچه، ولایتی اداره و قیزیل آی جمعیتی رهبرلیگی بویروغی بیلن پنجشیر قیزیل آی جمعیتی نینگ طبیعی آفتلر گه قرشی کوره‌ش ییتی کیشی‌لیک بیر تیمی سوو تاشقین‌لردن زیان کورگنلر گه یاردم بیریش مقصد، بغلان ولایتی گه بارگن.
جناب لتون نینگ کوپه‌یتیریشیچه، پنجشیر ولایتی رهبری و تیگیشلی نهادلر بغلان ولایتی‌ده‌گی زیان کورگنلر بیلن همکارلیک قیلیش خصوصیده تیارگرلیک بیلدیرگنلر.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک، ۲۱-ثور، جمعه کون بغلان ده یوز بیرگن سوو تاشقین‌لری عاقبتیده ۳۱۵ کیشی هلاک بولیب و ۱۶۳۰ کیشی یره‌لنگن.