چیچنستان جمهور باشلیغی رمضان قدیروف نینگ ایتیشیچه، مسلمان‌لر حق_حقوقینی پایمال قیلمسلیک اوچون مملکتی‌میز نینگ هر بیر ولایتیده کمیده بیر نیچه‌ته مسجد بولیشی کیره‌ک.
رمضان قدیروف گه کوره: «مسلمان‌لر مسجد ده نماز اوقیشی کیره‌ک. بیز کوپ سوره مه‌یپمیز. هر بیر ولایتده مینگ‌ته مسجد سوره مه‌پمیز. مسلمان‌لر گه [نماز اوقیشگه] امکانیت یره‌تیش اوچون ولایتده بیر نیچه‌ته مسجدلر قوریش کیره‌ک.»
بیزلرنینگ فیسبوک صحیفه‌میزگه باش اورینگ!
اونینگ سوزلری گه کوره، چیچنستان ده مسجدلردن تشقری چیرکاولر (کلیسا) هم بار و هیچ کیم نصرانی‌لر نینگ حقوق‌لرینی بوزمه‌یدی.
جناب قدیروف نینگ کوپه‌یتیریشیچه: «التماس چیچنستان جمهوریتیده قنده‌ی یشه‌یاتگنینگیزنی کورینگ، بیز مسجدلر قوره‌یپمیز، بوییرده چیرکاولر قورماقده‌میز. اگر بو ییرده‌گی چیرکاولرنی آلیب تشله‌سک، بو سیزگه قنده‌ی کورینه‌دی، بو سیزگه قنده‌ی تأثیر قیله‌دی؟ بیز خریستان‌لر گه ایته‌یپمیز. حجاب یا که رومال اوره‌ش، خواه‌لگنچه کیینیش‌لری ممکن، بیز اولرگه شرایط یره‌تیب بیره‌میز.»
چیچنستان جمهور باشلیغی نینگ ایتیشیچه، مسجدلر قوریلیشی منطقه ده خوفسیز محیطنی یره‌تیشگه خدمت قیلماقده.
بیزلرنینگ توییترده هم تعقیب قیلینگ!
اونگه کوره: «مسجدلر قورمه‌ی توریب ترتیب اورنه‌تیب بولمه‌یدی، هیچ قنده‌ی آقیمنی توخته‌تیب بولمه‌یدی، عکس‌حالده مسلمان‌لرگه شرایط یره‌تیب مسجدلر قوریشگه رخصت بیریش، شو آرقه‌لی اولرنینگ خوفسیزلیگینی تأمینلش کیره‌ک. شونده مسلمان شهرینگیز، ولایتینگیز و دولتینگیز منفعت‌لرینی حمایه قیله‌دی. قره‌نگ، قنده‌ی یشه‌یپمیز، بیزدن اورنک آلینگ.»
چیچنستان جمهور باشلیغی اوشبو سوزلرنی، ییل‌لیک یوزمه_یوز اوچره‌شووی ده بیان قیلگن.