افغان قیزیل آی جمعیتی دفتری گه یاردم قولگه کیلتیریش اوچون بارگن ماریا نینگ ایتیشیچه، تورموش اورتاغی کسل دیر و یالغیز ۱۴ یاشر اوغلی عایله خره‌جتی نی تامین قیله‌دی.
اونینگ کوپه‌یتیریشیچه، اوغلی درآمد قولگه کیلتیره آلمه‌گنی کونلر ایسه، کیچه نی عایله اعضالری بیلن آچ اوتکزیش گه مجبورلر. «اسلام امیرلیگی‌دن نیازمند کیشیلر نینگ سروی بولینیشی نی ایسته‌یمیز. تورموش اورتاغیم و قیزیم کسل دیر. اوغلیم نینگ کونده ۱۵۰ افغانی درآمدی بار و ۱۰۰ افغانی گه نان، ۱۰ افغانی گه چای و ۱۰ افغانی گه ایسه شکر ساتیب آله‌میز. هیچ نرسه‌میز یوقلیگی نی منطقه‌ده برچه کیشی بیله‌دی.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری نسیم نینگ ایتیشیچه، اوزی کسل دیر و ۱۶ یاشر اوغلی ایسه کابل نینگ سرک‌لریدن بیریده عایله خره‌جتی نی تامین‌لش مقصد بوت رنگ قیله‌دی. او افغان قیزیل آی جمعیتی‌دن نیازمند کیشیلر گه یاردم‌لری نینگ دوام بیریشلرینی ایسته‌گن.
نسیم نینگ کوپه‌یتیریشیچه: «نه ایش بار و نه روزگار؛ اوزیم کسل بولیب و اوی‌گه مین. عایله‌م آچ. نیمه قیله‌یلیک و بو یاردملر بیر کون اوچون فایده‌لی؛ بیراق ییترلی ایمس. مذکور یاردملر نینگ دوام تاپیشی نی ایسته‌یمیز.»
افغان قیزیل آی جمعیتی دفتری مسئوللری نینگ ایتیشلریچه، بوگون (چهارشنبه، ۱۴-سنبله)، اوشبو اداره نینگ ۱۴-دور یاردم‌لریده ۸۰۰ مینگ‌دن آرتیق افغانی ارزشی گه ۱۷۰دن آرتیق عایله گه نقدی یاردم ترقه‌تیب و بو یاردملر نینگ کیله‌سی اوچ ییل‌گچه دوام تاپیشی ممکن.
افغان قیزیل آی جمعیتی سرپرستی شهاب‌الدین دلاور نینگ ایتیشیچه، مذکور یاردملر نیازمند کیشیلر نینگ عایله اعضالرینی رویخط گه آلیش اساسیده، نظر گه آلینیب و هر بیر عایله اعضاسی گه آی‌ده ۲ مینگ افغانی توللنه‌دی.
بیزلرنینگ «ایکس» ترماغی ده هم تعقیب قیلینگ!
جناب دلاور نینگ کوپه‌یتیریشیچه: «الحمد‌الله پول نی اوشبو عایله‌لر اویی گه یوباره‌میز و بوگون اولردن بیر نمونه‌سی دیر که ۱۷۲ عایله نقدی یاردم قولگه کیلتیردیلر و بیللی بولدی که اولر نینگ یاردم گه نیازلری بار.»
افغان قیزیل آی جمعیتی دفتری نینگ معلوماتی اساسیده، اوتگن قویاش ییل‌ده مملکت بویلب ۷ میلیون کیشی مذکور نهاد آرقه‌لی دارو و آزیق-آوقت محصولاتی کبی تورلی‌خیل یاردم‌لردن فایده‌لنگنلر.
