ایکینچیلیک، سوغاریش و چاروه‌چیلیک وزیرلیگی، شنبه کونی، ۲۲ میزان، بیر بیانیه ترقه‌تیب، اوشبو وزیرلیک سرپرستی بیرلشگن ملت‌لر تشکیلاتی نینگ ایکینچیلیک و آزیق_آوقات بولیمی مسئوللری بیلن اوچره‌شگنیدن خبر بیرگن.
بیرلشگن ملت‌لر تشکیلاتی نینگ ایکینیچلیک و آزیق_آوقات بولیمی مسئوللری بیلن اوچره‌شگن مملکت ایکینچیلیک، سوغاریش و چاروه‌چیلیک وزیرلیگی نینگ سرپرستی عطاءالله عمری، افغانستان ایکینچیلیگی نی عصری توزه‌تیش اوچون سعی‌وحرکت قیله‌یاتگن‌لری اوستیگه تاکید ایتگن.
بیزلرنینگ فیسبوک صحیفه‌میزگه باش اورینگ!
عطاءالله عمری، بیرلشگن ملت‌لر تشکیلاتی نینگ ایکینچیلیک و آزیق_آوقات تشکیلاتی بولیمی اورین باسری الیزابت آن بیت بیکدول و آواره‌لر گه عاجل یاردم کورسه‌تیش بولیمی اورین باسری رین اندری پولسن بیلن اوچره‌شیب، افغانستان ایکینچیلیک، سوغاریش و چاروه‌چیلیک سکتوری ترقیاتی، دهقان‌لر و چاروه‌چیلرنی قوللب_قوتلش مسئله‌لری خصوصیده صحبت قیلگن.
ایکینچیلیک، سوغاریش و چاروه‌چیلیک وزیرلیگی سرپرستی گه کوره، افغانستان ده نیچه سنه اوروش اوشبو مملکت ایکینچیلیگی اوستیگه سلبی تاثیر قیلگن، شونی اوچون اولر اختیاری گه زمانه‌وی ایکینچیلیک اوسکونه‌لری و تکنالوژی قرار بیریلیشی لازم.
بیزلرنینگ «ایکس» ترماغی ده هم تعقیب قیلینگ!
مذکور اوچره‌شووده، الیزابت آن بیت بیکدول، ایکینچیلیک و چاروه‌چیلیک آرقه‌لی عایله‌لر گه یاردم بیریش اوچون عیاللر رولینی مهم دیگن.
او، بیرلشگن ملت‌لر تشکیلاتی نینگ ایکینچیلیک و آزیق_آوقات فعالیت‌لری حقیده گپیریب ایتیشیچه، اوشبو تشکیلات افغانستان ایکینچیلیک سکتوری نینگ دایمی همکارلریدن بولیب و تورلی ساحه‌لرده مملکت ایکینچیلیک و چاروه‌چیلیک وزیرلیگی اویغون‌لیگی بیلن یاردم‌لری گه دوام بیره‌دی.
