ارگ، یک‌شنبه کونی، ۲۳ میزان، اوز ایکس (تویتری) ده، اسلام امیرلیگی باش وزیرلیگی نینگ اداری اورین باسری، افغانستان اوچون جاپان نینگ سابق ایلچیسی بیلن اوچره‌شگنیدن خبر بیرگن.
ارگ اوز ایکس ترماغی ده یازیشیچه، اسلام امیرلیگی باش وزیرلیگی نینگ اداری اورین باسری عبدالسلام حنفی، افغانستان اوچون جاپان نینگ ینگی‌لیکده تعینلنگن ایلچیسی تاکویوشی کورمایا حضوری ده مذکور مملکت نینگ سابق ایلچیسی تاکاشی اوکادا بیلن اوچره‌شگن.
عبدالسلام حنفی، افغانستان ده جاپان سابق ایلچیسی نینگ ایشلری و یوتوق‌لری و مذکور مملکت نینگ افغانستان خلقی گه انسان پرورلیک یاردم‌لریدن منتدارلیک بیلدیریب ایتیشیچه، جاپان هردایم افغانستان خلقی نی قوللب_قوتلب و اوشبو مملکت ده دایمی ثبات برقرار ایتیلیش طرفداری بولگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی باش وزیرلیگی نینگ اداری اورین باسری، افغانستان جاپان بیلن مناسبتی نی مستحکم‌لش اوچون سعی‌وحرکت قیله‌یاتگنی خصوصیده ایتیشیچه، اسلام امیرلیگی قوشنی همده دنیا بویلب برچه مملکت‌لر بیلن مناسبتی بولیشنی ایسته‌یدی.
حنفی جنابلری، حاضر اولکه بویلب امنیت تامینلنگن و اسلام امیرلیگی عصیانچی گروه‌لر گه افغانستان دن باشقه اولکه‌لر گه قرشی هجوم قیلیش گه رخصت بیرمسلیگیدن ایشانچ بیرگن.
مذکور اوچره‌شووده، اسلام امیرلیگی باش وزیرلیگی نینگ اداری اورین باسری، جاپان ایلچیسی دن افغانستان ده تورلی ساحه‌لر اینیقسه کان‌لرنی قازیب چیقریش بولیمی ده سرمایه یاتقیزیش‌لرینی طلب قیلگن.
عینی‌حالده اوشبو اوچره‌شووده تاکاشی اوکادا، انسان پرورلیک یاردم‌لری قیزیل خاچ کمیته‌سی آرقه‌لی هرات ده زلزله باعث زیان کورگن‌لر گه ییتکیزیب بیریلگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه، اسلام امیرلیگی تن آلینیشی اوچون دنیا همجمعیت بیلن نیچه مرته صحبت قیلگنلر و افغانستان خلقی نی قوللب_قوتلب و یاردم‌لری گه دوام بیره‌دیلر.
شونینگدیک، اوشبو اوچره‌شووده افغانستان اوچون جاپان نینگ ینگی ایلچیسی تاکویوشی صحبت قیلیب ایتیشیچه، مقصدی‌میز افغانستان خلقی گه یاردم بیریش دیر و اسلام امیرلیگی یاردمی بیلن یو ایش گه دوام بیره‌دیلر.
ایتیش کیره‌ک که، اوشبو هفته شنبه کونی، ۲۲ میزان، مملکت تشقی ایشلر وزیرلیگی بیلن اوچره‌شگن جاپان سابق ایلچیسی، ماموریتی یکونلنیب و باشقه ینگی ایلچی تعینلنگنیدن خبر بیرگن ایدی.
