ینگی‌لیکده، پاکستان دن جبر دن چیقریلگن قاچقین‌لردن بیرقطاری نینگ سلام‌وطندار گه ایتیشلریچه، انچه ییل دن کیین مملکت گه قیتگن‌لر، بیراق دایمی یشش اوی‌لری یوق‌لیگیدن خواطر ده‌لر.
اولر، دولت دن قیش موسومی ییتیب کیلیشی بیلن دایمی باش پنه قوریب بیریشینی سوره‌یدیلر.
ینگی‌لیکده، پاکستان دن قندهار گه قیتگن نقیب‌الله نینگ سلام‌وطندار گه ایتیشیچه: «ایشی‌میز، ییر، جای و بار نرسه‌میز نی قولدن بیردیک. حاضر بو ییر ده کیلدیک یاردم بیریش‌لرینی ایسته‌ی میز. اسلام امیرلیگی دن بو امکانیت نی بیز گه یره‌تیب بیرگنیدن منتدارلیک بیلدیره‌میز. قیش ییتیب کیلماقده، یشش اوی، خیمه کبی هیچ نرسه‌میز یوق. برچه نرسه‌میز او ییر ده قالگن، بو ییرده هیچ نرسه‌میز یوق.»
بیزلرنینگ فیسبوک صحیفه‌میزگه باش اورینگ!
ینگی‌لیکده، پاکستان دن قندهار گه قیتگن‌لردن باشقه بیری محمدحسن گه کوره: «بیزنی قوللب_قوتلب و بو ییرده حیات نی نول دن باشلش اوچون بیز گه بیر یا که ایکی نمره ییر بیریش‌لرینی ایسته‌ی میز.»
عین‌حالده، سرپرست حکومت مسئوللری پاکستان دن جبر دن چیقریلگن قاچقینلر نینگ قیینچیلیک‌لری باره‌سیده ایتیشلریچه، حاضرگی کون ده قاچقینلر اوچون دستلبکی امکانیت نی یره‌تیشماقده.
قندهار قاچقینلر ریاستی نینگ قیته دن قوشیش ایشلری بوییچه آمری نعمت‌الله الفت گه کوره، مملکت گه قیتگن قاچقینلر اوچون اسپین‌بولدک تومنی ده اتاق، خیمه، ییگولیک آزیق_آقت و طبی امکانیت یره‌تیب و هر عایله گه ۱۰ مینگ افغانی پول بیره‌دیلر.
باشقه تاماندن، قندهار قاچقینلر باشلیغی ولی‌جان بادام نینگ ایتیشیچه، مملکت گه قیتگن قاچقینلر گه دایمی یشش اوی قوریش اوچون ارغنداب، دامان و پنجوایی تومن‌لری ده ییر اجره‌تیلگن و تخمیناً، ۱۲ مینگ قاچقین گه ییر توزیع قیلینیشی ممکن.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه: «بیز حاضر دستلبکی خذمت‌لر نی قیلماقده‌میز. پنجوایی، ارغنداب و دامان تومن‌لری ده مملکت گه قیتگن قاچقینلر اوچون دایمی یشش اوی توزه‌تیش مقصدیده سعی‌وحرکت قیلماقده‌میز، تیزلیک بیلن عملگه آشیریله‌دی. اسلام امیرلیگی بو جریان نی باشقه ولایت‌لر ده هم عملی قیله‌دی.»
عین‌حالده، اسلام امیرلیگی سوزلاوچیسی نینگ اورین باسرلری دن بلال کریمی اوز ایکس صحیفه‌سیده، بیر نومبر دن حاضرگچه ۱۵ مینگ ۲۷۰ عایله مملکت گه قیتگنینی یازگن.
اونگه کوره، ۲۰۲۳-ییل ۱۷ سپتمبر دن آلتی نومبر گچه، یالغیز تورخم بندری دن سان‌لری ۲۰۰ مینگ کیشی بولگن ۳۵ مینگ عایله اولکه گه قیتیب کیلگن.
