اسلام امیرلیگی مسئوللری، بغلان ده سۉنگی سوو تاشقین‌لریدن جبرلنگن کیشی‌لر گه یاردم بیریش اوچون قطر نینگ آزیق-آوقت و باشقه یاردم‌لری بلخ ولایتی مرکزی مزارشریف شهری گه یېتیب کېلگنیدن خبر بیره‌دیلر.
قطر نینگ اوشبو انسان پرورلیک یاردم‌لری بوگون (۲۴-ثور، دوشنبه کونی) توشدن سۉنگ مذکور مملکت وکیل‌لری تامانیدن مزارشریف شهری ده مولانا جلال‌الدین محمد بلخی هوا قونالغه‌سیده اسلام امیرلیگی مسئوللری گه تاپشیریلگن.
بیزلرنینگ «ایکس» ترماغی ده هم تعقیب قیلینگ!
سرپرست حکومت اقتصاد وزیرلیگی نینگ مالی و اداری معینی محمدعالم جمیل گه کوره، بو یاردم‌لر آزیق-آوقت، طبی اوسکونه و خیمه دن عبارت بولیب، بغلان ده سۉنگی سوو تاشقین‌لری طفیلی جبرلنگنلر گه یاردم بیریلگن.
جمیل جنابلری قطر نینگ اوشبو یاردم‌لریدن منتدارلیک بیلدیریب و باشقه مملکت‌لر همده ایچکی و خلق‌ارا یاردم بیرووچی تشکیلات‌لردن مملکت ده اینیقسه بغلان ده سوو تاشقین‌لری باعث جبرلنگنلر گه یاردم بیریش‌لرینی اېسته‌گن.
بیزلرنینگ فیسبوک صحیفه‌میزگه باش اورینگ!
باشقه تاماندن، قطر وکیلی اوشبو یاردم‌لرنی تاپشیریش پیتیده، افغانستان گه اوشبو مملکت نینگ انسان پرورلیک باشقه یاردم‌لری کېله‌سی نیچه کون ایچیده انتقال بیریلیشیدن ایشانچ بیردی.
ایتیش کېره‌ک یالغیز بغلان ده سوو تاشقین‌لری عاقبتیده باله‌لر و عیاللر شامل ۳۱۵ کیشی قربان بولیب و بیر مینگ ۶۳۰ کیشی یره‌لنگن.
