فاریاب ده چوندازلر نینگ ایتیشلریچه، قشاقلیک و بوتوغریده حکومت نینگ دقت‌سیزلیگی باعث، کون اوتیشی بیلن اوشبو اویین علاقه‌مندلری کمه‌یماقده دیر.
افغانستان خلقی اینیقسه تورکتبارلر نینگ ایسکی و عنعنوی اویین‌لریدن بولگن اوغلاق مسابقه‌سی، کوپراق شمالی ولایت‌لرده مشهور دیر. شونینگدیک اوشبو ولایت‌لرده اقتصادی یخشی بولگن کیشی‌لر، اوغلاق مسابقه‌لریده اشتراک ایتیش اوچون آت سقله‌یدیلر.
بیزلرنینگ فیسبوک صحیفه‌میزگه باش اورینگ!
شونینگدیک اوشبو عنعنوی اویین فاریاب ده کوپینچه طرف‌دار گه ایگه دیر و اهالی توی یا-ده باشقه خوش‌لیک محفل‌لریده اوغلاق مسابقه‌لری نی یولگه قوییه‌دیلر که، بیر قطار چوندازلر اوشبو اویین گه شرکت قیله‌دیلر.
بیراق سونگی کون‌لرده قشاقلیک کوپه‌یشی سبب، اوغلاق خصوصیده علاقه‌مندلیک کمه‌یب و اهالی نینگ اوتمیش کبی بو اویین نی تماشا قیلیش توغریسیده اشتیاق‌لری قالمه‌گن.
فاریاب ده چوندازلردن بیری احمد‌شاه ملنگ کوهی، نیچه مدت بویان فاریاب اوغلاق ملی اویین فدراسیون مسئولیتی نی بویینیگه آلگن دیر. اونگه کوره، اهالی نینگ اقتصادی قیین‌چیلیگی، اوغلاققه شرکت قیلیش اوچون هیچ بیر آت نی سقله آلمه‌گنی گه سبب بولگن.
اونینگ سلام‌وطندار گه ایتیشیچه: «بیر سیر ارپه ۳۲۰ افغانی گه ییتیشگن و بیر آت نینگ بیر کونده ۵۰۰ افغانی مصرفی بار که انه شوو سبب، اوشبو اویین خصوصیده علاقه کمه‌یگن. شونینگدیک اهالی آت سقلمه‌یدی باشقه فدراسیون‌لر گه حکومت تامانیدن یاردم بیریله‌دی، بیراق اوشبو فدراسیون گه هیچ قنده‌ی یاردم صورت تاپمه‌یدی.»
فاریاب ولایتی یشاوچیسی ۲۵ یاشر چونداز محمد یونس نینگ ایتیشیچه، کم‌بغل‌لیک اهالی نینگ اوغلاق خصوصیده علاقه‌مندلیک کمه‌یشی گه سبب بولگن.
یونس گه کوره، اوتمیش‌ده اوغلاق تماشاچی‌لری میدان نی تولدیریب و چوندازلر نی تشویق قیله‌ر ایدیلر؛ بیراق حاضر ایسه علاقه‌مندلردن هیچ بیر خبر یوق.
یونس نینگ کوپه‌یتیریشیچه: «اوتمیش گه قره‌گنده اهالی نینگ علاقه‌مندلیگی کمه‌یگن. شونینگدیک اهالی اقتصادی ضعیف بولگن، آت سقلش هم کمه‌یگن. اتمیش‌ده اوغلاق نی تماشا‌قیلووچیلر سانی کوپ ایدی، بیراق حاضر ایسه هیچ کیم کیلمه‌یدی. گرچند امنیت هم یخشی بولگن، بیراق اهالی اقتصادی یخشی ایمس.»
فاریاب ده چوندازلردن باشقه بیری گل‌محمد نینگ ایتیشیچه، اوغلاق اوچون ستندرد میدان یوقلیگی اوغلاق تماشا قیلووچیلر نینگ کمه‌یشی گه سبب بولگن.
بیزلرنینگ توییترده هم تعقیب قیلینگ!
شونده‌ی بیرحالده، فاریاب ده اوغلاق نی تماشا قیلووچیلردن قطاری نینگ ایتیشلریچه، اوشبو اویین نی اوینه‌ش اوچون ستندرد بیر ییر یوقلیگی، علاقه‌مندلر نینگ کمه‌یشی گه سبب بولگن. اولر نینگ کوپه‌یتیریش‌لریچه، اوغلایق میدانی‌ده اهالی اوزی گه اوی توزه‌تگن و اوغلاق اوچون هیچ بیر ییر یوق.
اوغلاق ۱۳۹۵-ییلده رسمی شکلده افغانستان نینگ ملی اویین‌لری فهرستی‌ده ثبت بولیب و افغانستان سپورت ساختاری اسمی آستیده بیر فدراسیون ایجاد بولدی که، مذکور کون‌دن بویان هر ییل کابل ده ولایت‌لردن قطاری‌دن جوندازلر نینگ شرکتی بیلن اوغلاق قهرمان‌لیک مسابقه‌سی یولگه قوییله‌دی.
