قندهار ده ایکی بویوک تولیدی کارخانه فعالیتی ۴۵ ییل‌دن کیین قیته باشلنگن.
کییم ایشلب چیقریش بولیمی‌ده قیته فعالیت گه باشله‌گن اوشبو کارخانه‌لردن بیری نینگ مسئولی محمدسلیم صابر نینگ ایتیشیچه، مذکور کارخانه‌ده قریب اوچ مینگ ماشین بار؛ لیکن اولر ارا یالغیز ۴۰۰ ماشین فعال بولگن.
محمدسلیم گه کوره، اوشبو کارخانه ساغلیق‌نی سقلش، ملی مدافعه، ایچکی ایشلر وزیرلیکلری و استخبارات عمومی ریاستی نینگ نیازی بولگن کییم‌لر نی ایشلب چیقریشی ممکن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌‌یتیریشیچه: «مذکور کارخانه بیر ییل‌ده ۶۶۹۲ تُن پخته نی پروسس قیلیش امکانیتی گه ایگه دیر که بو امکانیت بیلن ییل‌ده ۴۰ میلیون متر تکه نی تولید قیلیشی ممکن.»
مذکور تولیدی کارخانه مسئولی گه کوره، باشقه وزیرلیک‌لردن هم قراردادلر آلیشی اوچون بو کارخانه‌ده‌گی ۲۶۰۰ ماشین نینگ فعال بولیشی کیره‌ک که بو رقم ۱۲ مینگ کیشی گه ایش زمینه‌سی یره‌تیلیشی ممکن.
شونینگدیک ینگی‌لیکده فعالیتی قیته باشلنگن قندهار ده منسوجات کارخانه‌سی مسئوللری نینگ ایتیشلریچه، اوشبو کارخانه ۶۴ فعال ماشین بیلن ییل‌ده بیر مینگ تُن پخته نی پروسس و بیر میلیون متر صفتلی پشمی کییم‌لر نینگ تولید قیله آله‌دی.
مذکور کارخانه باشلیغی موساکلیم جهادوال نینگ ایتیشیچه: «بو کارخانه‌ده‌گی برچه ماشین‌لر نینگ فعال بولگنی‌ده، قریب ۱۸۰۰ کیشی گه ایش زمینه‌سی یره‌تیلیشی ممکن.»
عین حالده، قندهار یشاوچیلریدن قطاری اوشبو کارخانه‌لر نینگ قیته فعالیت گه باشله‌گنی‌دن خورسند‌لیک قیلیب و حکومت‌دن کوپراق ایش زمینه‌لری یره‌تیلیشی مقصد کوپینچه کارخانه‌لر نینگ فعال بولینیشینی ایسته‌گنلر.
قندهار یشاوچیلریدن محمدنبی نینگ ایتیشیچه: «بو کبی کارخانه‌لر نینگ کوپه‌یشی کیره‌ک؛ چونکه بو ییرده ۴۰ ییل اوروش سبب ییگیت‌لردن کوپ قطاری ایش‌سیز بولگن. بو رقم کارخانه‌لر فعال بولگنی‌ده، کوپینچه کیشی گه ایش زمینه‌سی یره‌تیلیشی ممکن.»
بیزلرنینگ فیسبوک صحیفه‌میزگه باش اورینگ!
شونینگدیک قندهار یشاوچیلریدن باشقه بیری جان‌آغا نینگ ایتیشیچه: «بو کارخانه نینگ فعالیتی اهالی فایده‌سی گه دیر و ایش زمینه‌سی نی یره‌ته‌دی. بو کبی کارخانه‌لر نینگ کوپراق فعال بولینیشی نی ایسته‌یمیز.»
ایتیش کیره‌ک که، قندهار ده منسوجات ایشلب چیقریش کارخانه‌سی قویاش ۱۳۶۴-ییل‌ده تاسیس بولگن؛ لیکن اوروشلر سبب اوشبو کارخانه فعالیتی اوتگن ییل‌لرده توخته‌گن ایدی.
