افغانستان قماقخانه‌لرنی ترتیب گه سالیش اداره‌سی مسئوللری بوگون (یک‌شنبه، ۱۱-سنبله)، اوشبو نهاد نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، حاضر ایسه افغانستان قماقخانهلریده ۱۱ مینگ کیشی محکومیت دوره‌سینی اوتکزماقده.
اوشبو اداره نینگ معلوماتی اساسیده، افغانستان نینگ قماقخانهلریده بیر مینگ عیال و ۸۰۰ باله هم حبس گه دیر.
بیزلرنینگ «ایکس» ترماغی ده هم تعقیب قیلینگ!
افغانستان قماقخانه‌لرنی ترتیب گه سالیش اداره‌سی نینگ عمومی باشلیغی محمدیوسف مستری گه کوره، حاضر ایسه ۱۲ مینگ کیشی حبس‌خانه‌لرده محکمه آرقه‌لی صادر بوله‌دیگن حکم نی کوتیب تورگنلر. اونینگ کوپه‌یتیریشیچه: «حاضر مرکز و ولایت‌لرده ۱۰ مینگ-۱۱ مینگ محبوس بار که اولر گه قید چیققن و اوشبو ۱۱ مینگ کیشی‌دن بیر مینگ‌ته‌سی عیال و ۸۰۰ ته‌سی ایرکک دیر؛ ۱۲ مینگ کیشی حبس‌خانه‌لرده محکمه آرقه‌لی صادر بوله‌دیگن حکم نی کوتیب تورگن.»
جناب مستری گه کوره، افغانستان قماقخانهلریده ملکی کیشی‌لر یانیده، سیاسی محبوسلر همده کوپینچه‌سینی قوشنی مملکتلر تشکیل بیره‌دیگن ۱۵۰ تشقی محبوس هم حبس گه دیر. «قوشنی مملکت‌لردن بولگن قریب ۱۵۰ محبوسیمیز هم بار؛ مذکور کیشی‌لر تورلی جرم‌لر جمله‌دن الده‌ش‌دن، بیری نینگ پولی آلیش گه قدر عیب‌لر که اولر برابریده عریضه بولیب قولگه آلینگن.»
قماقخانه‌لرنی ترتیب گه سالیش اداره‌سی نینگ پالیسی و مسلکی اورین‌باسری عبدالله همدرد نینگ ایتیشیچه، اوتگن بیر ییل‌ده اوچ مینگ‌دن آرتیق محبوس، قماقخانه‌لردن قوییب یوباریلگن. «محکمه حکمی اساسیده اوتگن ییل اوچ مینگ ۲۴۳ عیال و ایرکک، قماقخانه‌لردن قوییب یوباریلگن و شونینگدیک اوچ مینگ ۱۶ ایرکک و عیال مرکزی قماقخانه‌لردن ولایت و ولایت‌دن مرکز گه انتقال بیریلگن.»
بیزلرنینگ فیسبوک صحیفه‌میزگه باش اورینگ!
قماقخانه‌لرنی ترتیب گه سالیش اداره‌سی مسئوللری نینگ کوپه‌یتیریشلریچه، حاضر ایسه افغانستان نینگ قریب ۹ مینگ یشاوچیسی ۱۲ مملکت جمله‌دن تاجیکستان، اوزبیکستان، هندوستان، چین، تورکمنستان، مسکو، تورکیه و بیرلشگن عرب امیرلیک‌لریده حبس گه بولیب و اولردن کوپینچه‌سی ایران قماقخانهلریده حبس دیر.
اوشبو اداره نینگ عمومی باشلیغی گه کوره، اوتگن ییل ایران دن بیر مینگ ۱۰۰دن آرتیق افغانستان‌لیک محبوس، چین دن ایکی افغانستان‌لیک محبوس، یمن دن ایکی محبوس و کویت دن ایسه اوچ محبوس، افغانستان گه انتقال بیریلگن.