مملکت ساغلیق‌نی سقلش وزیرلیگی سرپرستی قلندر عباد گه کوره، افغانستان ساغلیق بولیمی بستر آزلیگی بیلن روپه‌ره بولیب و یشاوچیلر گه خذمت کورسه‌تیش اوچون ۴۵ مینگ بستر کیره‌ک.
عباد جنابلری، ۱۵-دلو، یک‌شنبه کونی، بلخ ده‌گی ییغیلیش ده بو مسئله نی بیان قیلیب و ساغلیق‌نی سقلش وزیرلیگی نینگ اختیاری ده ۱۱ مینگ بستر بارلیگینی معلوم قیلگن.
بیزلرنینگ فیسبوک صحیفه‌میزگه باش اورینگ!
عین‌حالده، ابوعلی سینای بلخی حوزه‌وی کسلخانه آمری اشرف روان، طبی امکانیت، دارو و متخصص کدرلر آزلیگینی بلخ حوزه‌وی کسلخانه‌سیده طبی خذمت کورسه‌تیش اوچون اساسی قیینچیلیک‌لردن عنوان قیله‌دی.
ابوعلی سینای بلخی حوزه‌وی کسلخانه آمری، ساغلیق‌نی سقلش وزیرلیگی دن بو قیینچیلیک حلی اوچون دقت قیلیشینی سوره‌یدی.
ساغلیق‌نی سقلش وزیرلیگی سرپرستی، بو قیینچیلیک حلی مقصدیده باشقه نهادلر اویغون‌لیگی بیلن اوزاق منطقه‌لر اهالیسی گه طبی خذمت کورسه‌تیش اوچون سعی‌وحرکت قیلماقده‌لیک‌لرینی تاکیدله‌گن.
بیزلرنینگ «ایکس» ترماغی ده هم تعقیب قیلینگ!
افغانستان ساغلیق تیزیمی کوپراق جهانی یاردم‌لر گه باغلیق دیر. اسلام امیرلیگی رسمی‌لری اینیقسه ساغلیق‌نی سقلش وزیرلیگی سونگی ایکی ییل ده نیچه مراتبه مملکت‌لر و خلق‌ارا تشکیلات‌لر دن افغانستان ساغلیق بولیمینی قوللب-قوتلش‌لرینی طلب قیلگن.