روسیه جمهورلیک ریاستی سرایی (کرملین)، اوشبو مملکت جمهور باشلیغی ولادیمیر پوتین، رسمی بیر سفر ده مغولستان گه یېتیب بارگنیدن خبر بیرگن.
رویترز آژانسی گه کوره، ولادیمیر پوتین ۱۲-سنبله، دوشنبه کونی شام پیتی روسیه گازی مغولستان آرقه‌لی چین گه آلیب باریلیش مسئله‌سینی بحث گه آلیش مقصدیده، مغولستان پایتختی اولان باتور گه سفر قیلگن.
رویترز نینگ کوپه‌یتیریشیچه، ولادیمیر پوتین بوگون مغولستان جمهور باشلیغی وحنا خورلسوخ بیلن اوچره‌شووی کوتیله‌دی.
بیزلرنینگ فیسبوک صحیفه‌میزگه باش اورینگ!
خلق‌ارا جنایت محکمه‌سی و اوکراین مغولستان دولتیدن، روسیه جمهور باشلیغی ولادیمیر پوتین نی قولگه آلیشینی سۉره‌گنلر.
خلق‌ارا جنایت محکمه‌سی اۉتگن ییل، ولادیمیر پوتین نی اوکراین‌لیک یوزلب باله‌نی ناقانونی طرزده روسیه گه آلیب باریش عیبی بیلن قولگه آلینیش بویروغینی صادر قیلدی.
بو بویروغ اساسیده، مذکور محکمه گه اعضا ۱۲۴ مملکت جمله دن مغولستان، پوتین اوشبو مملکت‌لر گه سفر قیلگن حالده، قولگه آلیب و محکمه اوچون لاهه گه انتقال بیریش‌لری کېره‌ک.
بیزلرنینگ «ایکس» ترماغی ده هم تعقیب قیلینگ!
خلق‌ارا جنایت محکمه سۉزلاوچیسی فادی عبدالله، مغولستان دولتی بو محکمه نینگ اعضالریدن بیری اوله‌راق ولادیمیر پوتین نی اوروش جنایتی اوچون قولگه آلیشی کېره‌ک دیگن.
بیراق کرملین سۉزلاوچیسی دیمیتری پسکوف، پوتین نینگ مغولستان گه سفری دایره‌سیده خلق‌ارا جنایت محکمه‌سی نینگ قولگه آلیش حکمیدن خواطرده اېمس‌لیگینی بیلدیرگن.
بو؛ پوتین نینگ قولگه آلینیش بویروغی دن سۉنگ خلق‌ارا جنایت محکمه‌سی گه اعضا مملکت‌لردن بیری گه بیرینچی سفری سنله‌دی.
مغولستان، روسیه و چین اۉرته‌سیده جایلشگن آز جمعیت‌لی مملکت بولیب و کان ساحه‌سیده سرمایه یاتقیزیش اوچون کوپراق بیجینگ گه قره‌م دیر.
