روسیه جمهور باشلیغی ولادیمیر پوتین، بوگون (۱۶-میزان، چهارشنبه)، رسمی بیر سفر دایرهسیده «روسیه و مرکزی آسیا» بوییچه ایکینیچی ییغیلیشیگه شرکت قیلیش مقصد، تاجیکستان گه کیتهدی.
تاس آژانسینینگ گزارشیگه کوره، پوتین سفری ۸ دن ۱۰-اکتبرگچه دوام قیلیب و بو سفر جریانیده تاجیکستان جمهور باشلیغی امامعلی رحمان بیلن اوچرهشیب و صحبت قیلهدی.
بیزلرنینگ «ایکس» ترماغی ده هم تعقیب قیلینگ!
اعلام بولگن برنامه اساسیده، پوتین ۹-اکتبر «روسیه و مرکزی آسیا» بوییچه ایکینچی ییغیلیشگه شرکت قیلهدی؛ اوچرهشوونینگ موضوعسی روسیه و منطقه مملکتلر آرهسیده سیاسی، اقتصادی و امنیتی ساحهده همکارلیکلر کینگهیشی دیر.
شونینگدیک، روسیه جمهور باشلیغی ۱۰-اکتبرده قوشمه منفعتلی مستقل مملکتلرنینگ ییتکچیلری کینگشی (CIS)، ییغیلیشیگه حضور تاپیشی ممکن.
بیزلرنینگ فیسبوک صحیفهمیزگه باش اورینگ!
کرملین سرایی یاردمچیسی یوری اوشاکوفنینگ ایتیشیچه: «بو ییغیلیش سودا و سوداگرلیک همکارلیکلر رواجلنیشی و شونینگدیک قوشمه منفعتلی مستقل مملکتلر دایرهسیگه اعضا مملکتلر آرهسیده علاقهلرنی کوچهیتیریشگه قرهتیلگن. بو همکارلیکلر کوچهیشی روسیهنینگ تشقی سیاستینینگ اصلی اولویتلریدن دیر.»
اوشبو ییغیلیشگه شرکت قیلگن مملکتلر رهبرلری، اقتصادی موضوعلرگه علاوه، خلقارا و منطقهدهگی جاری مسئلهلر نوغریسیده هم فکر بیلدیریب و قوشمه منفعتلی مستقل مملکتلر دایرهسیده خوفسیزلیک قیینچیلیکلرنینگ تیکشیریشلری ممکن.
