هلمند مرکزی لشکرگاه شهری یقینی‌ده هلمند دریاسی نینگ موجود‌لیگی بیرحالده، اهالی تامانیدن اوز باشیمچه‌لیک شکلده قودوق قازیلیشی سبب، سوو سطحی قویی کیلیب و اهالی نینگ ایچیم‌لیک سوو گه قول تاپیشی نی قیین‌لشتیرگن.
هلمند مرکزی لشکرگاه شهری یشاوچیلریدن قطاری نینگ ایتیش‌لریچه، باله‌لر و کیکسه‌لر ایچیم‌لیک پاک سوو گه قول تاپه آلمه‌یشلری سبب، تورلی خیل قیین‌چیلیک بیلن روپه‌ره بولگنلر.
بیزلرنینگ فیسبوک صحیفه‌میزگه باش اورینگ!
هلمند یشاوچیلریدن احمد‌گل نینگ ایتیشیچه: «۱۰ لیتر سوو نی ۵ افغانی و ۲۰ لیتر سوو نی ۱۰ افغانی ساتیب آله‌میز. اهالی نینگ کوچی ییتیشمه‌یدی. بو ییرده‌گی سوو شور دیر و ایچیم‌لیک اوچون مناسب ایمس. شیرین سوو تاپیلمه‌گنی صورت‌ده باله‌لر و کیکسه‌لر اوچون قیین بوله‌دی و اولر نینگ تورلی خیل کسل‌لیک‌لر گه چیلینیش‌لری ممکن.»
شونده‌ی بیرحالده، ساغلیق بیلرمان‌لر نینگ ایتیش‌لریچه، ناپاک سوولردن قوللنیش تورلی خیل کسل‌لیککه چلینیش گه سبب بوله‌دی.
هلمند ده ساغلیق بیلرمان‌لردن بیری فیض‌الله اندیوال نینگ ایتیشیچه: «ویروسی و یوقمه کسل‌لیک‌لردن کوپینچه‌سی، ملاریا، محرقه،کولرا، اسهال و پولیو کبی کسل‌لیک‌لر سوو یولی آرقه‌لی انتقال تاپه‌دی.»
هلمند دریا حوزه‌سی نینگ سوو منبع‌لر آمری سید‌عمر ودان نینگ ایتیشیچه، هلمند ده قوروق‌چیلیک سبب، اهالی ایچیم‌لیک و سووغاریش اوچون ییر آستی سوولردن قوللنه‌دیلر و بو ییر آستی سوولر نینگ کمه‌یشی گه سبب بولگن دیر.
اونینگ کوپه‌یتیریشیچه: «نفوس رقمی هر ییل کوپه‌یدی که بو مسئله سوو مصرفی نی هم کوپه‌یتیره‌دی. سوو سطحی اوتمیش ییل‌لر گه قره‌گنده کمهیگن. لشکرگاه شهری‌ده حاضر ایسه ۱۵ الی ۱۶ متر کمهیگن، بیراق دریا گه یقین بولگن منطقه‌لرده سوو سطحی ۴ متر کمهیگن. شونده‌ی بیرحالده، اوتمیش‌ده اوشبو منطقه‌لرده سوو سطحی ۱ متر‌دن یوقاری ایدی.»
بیزلرنینگ توییترده هم تعقیب قیلینگ!
لشکرگاه شهری یشاوچیلری شونده‌ی بیرحالده ایچیم‌لیک پاک سوو گه قول تاپه آلمه‌یش‌لریدن شکایت قیله‌دیلر که، اوشبو ولایت نینگ تومن‌لریدن کوپ قطاری اینیقسه بیابان منطقه‌لریده، ییر آستی سوولر نینگ کم‌لیگی سبب، ایکینچی‌لیک ییرلردن کوپینچه‌سی قوریگن دیر.