فواید عامه وزیرلیگی رسمیلری، فاریاب ولایتیده آقینه – اندخوی «تیمیر یولی» عملی ایشی دوام اېتماقدهلیگینی معلوم قیلدیلر.
اوشبو وزیرلیک سۉزلاوچیسی محمداشرف حقشناس، ۲۹-عقرب/۲۰-نومبر، پنجشنبه کونی ایکس صحیفهسیده بیر بیانیه ترقهتیب ب حقده خبر بیردی.
بیانیه گه کوره، فاریاب ولایتیده آقینه – اندخوی تیمیر یولی ۱۰ کیلومتر عملی ایشی، فواید عامه وزیرلیگی تامانیدن باشلنگن و اېندیلیکده دوام اېتماقده.
اوشبو لایحه اقتصادی و ترانزیت نقطهی نظریدن سودا مال-ملکلرینی تشیشده، ترانسپورت خرهجتلرینی کمهیتیریشده، صادرات و واردات جریانلرینی تیزلشتیریشده همده افغانستاننینگ اینیقسه تورکمنستان بیلن سودا علاقهلرینی مستحکملشده مهم رول اوینهیدی.
بو لایحه ایشی توگهشی بیلن، سودانینگ رواجلنیشی، درآمدلرنینگ آشیشی و اقتصادی فعالیتلرنینگ کېنگهیشی اوچون شرایط یرهتیلهدی.
ایتیش ضرور کی، بوندن آلدین آقینه – اندخوی تیمیر یولی بیرینچی فازی ۳۰ کیلومتر اوزونلیکده یکونلنگن.
