کانلر و پترولیم وزیرلیگی مسئوللری، جوزجان ولایتیده ییرلشگن «طوطی میدان» گاز کانینینگ قیدیریش و قازیب چیقریش عملی ایشی باشلنگنیدن خبر بیردیلر.
کانلر و پترولیم وزیری هدایتالله بدری، ۲۳-سنبله، یکشنبه کونی اوشبو مناسبت بیلن مزارشریف شهریده اوتکزیلگن ییغیلیشده، بو کاننینگ قیدیریش و قازیب چیقریش عملی ایشی باشلنگنیدن خبر بیرگن.
اونگه کوره، اوشبو کاننینگ قیدیریش و قازیب چیقریش شرطنامهسی اۉزبېکستان بیر کمپنیهسی بیلن امضالنگن.
کانلر و پترولیم وزیری هدایتالله بدری، طوطی میدان گاز کانینینگ قیدیریش و قازیب چیقریش شرطنامهسی ۲۵ ییلگچه امضالنگن و بیرینچی ۱۰ ییلده قریب بیر میلیارد دالر سرمایه یاتقیزیلیشی ممکن دیېدی.
طوطی میدان گاز کانی قریب ۷ مینگ کیلومتر مربع ییرده جایلشگن بولیب و اونده ۳۰ قودوق قازیلیشی کوتیلهدی.
شو بیلن بیرگه، اسلام امیرلیگی باش وزیرینینگ اقتصادی اورین باسری عبدالغنی برادر، طوطی میدان گاز کانینینگ قازیب چیقریش عملی ایشی باشلنیشینی، مملکت اوزینی-اوزینی تأمینلشی اوچون مهم آدیم اتهگن.
اونگه کوره، بو کاننینگ قازیب چیقریش ایشی باشلنیشی بیلن نفت ساحهسیده مملکت اوزینی-اوزی تأمینلیش یانیده، چیت ایل گه نفت صادر قیلیش امکانیتینی یرهتهدی.
شونینگدیک، اۉزبېکستاننینگ افغانستان بوییچه مخصوص وکیلی عصمتالله ایرگشاوف، بو ایکی مملکت اورتهسیده سودا و اقتصادی علاقهلر گه کېنگهیتیریلیشیگه تأکیدلب اسلام امیرلیگی حکومتی کانلردن ایجابی و معیاری شکلده فایدهلنماقدهلیگینی بیلدیرگن.
ایرگشاوف، اۉزبېکستاننینگ افغانستانده تورلی ساحهلرده سرمایه یاتقیزیشینی، اقتصادی وضعیت یخشیلنیشی و ایش فرصتلری یرهتیلیشی اوچون مهم دیگن.
جوزجان ولایتیده طوطی میدان گاز کانینینگ قیدیریش و قازیب چیقریش شرطنامهسی، افغانستان کانلر و پترولیم وزیرلیگی آرهسیده بوندن آلدین امضالنگن و اېندی اونینگ عملی ایشی باشلندی.
