کابل یشاوچیلریدن قطاری سونگی کونلر برق پرچوی‌لریدن شکایت قیلیب ایتیشلریچه، بیر کیچه-کوندوز‌ده یالغیز تورت ساعت برق‌لری بار و اوشبو وضعیت اولر نی کوپینچه قیین‌چیلیک بیلن روپه‌ره قیلگن.
کابل نینگ شهرنو منطقه یشاوچیسی وهاب نینگ ایتیشیچه، هوا نینگ ایسیق بولگنی و برق پرچوی‌سی نینگ کوپه‌یگنی بیلن، کسلی‌‌دن درست مراقبت قیلیش اوچون، سولر آلیش گه مجبور بولگن.
بیزلرنینگ فیسبوک صحیفه‌میزگه باش اورینگ!
وهاب گه کوره: «برق هیچ یوق. او یوزدن هیچ یوق دیسه‌ی یخشی‌راق بوله‌دی. بو قنده‌ی برق، نیچه ساعت کیله‌دی که هیچ درد گه دوا ایمس. اوی‌ده کسلی‌میز بار و بو وضعیت کوپ قیین دیر.»
شونینگدیک کابل شهری نینگ شاه‌شهید منطقه یشاوچیسی خالد نینگ ایتیشیچه، هوا نینگ ایسیشی بیلن برق خصوصیده نیازلر نینگ کوپه‌یشی بیلن؛ بیراق برق‌دن فایده‌لنیش ساعت‌لر کمه‌یگن.
خالد نینگ کوپه‌یتیریشیچه: «بیر کون‌ده تورت یا-ده بیش ساعت برقی‌میز بار. بیر تامان‌دن ایسیق و باشقه تامان‌دن ایسه برق‌سیزلیک. کوپ قیین بیر وضعیت دیر. شونده‌ی ایسیق هوا‌‌ده برق نینگ بولیشی کیره‌ک.»
شونینگدیک، کابل نینگ کارته‌نو منطقه‌سیده ییگولیک ماده ساته‌دیگن قسیم نینگ ایتیشیچه، سونگی کونلر درآمدی‌دن بیر بولیمی نی دکانی گه نیاز بولگن برق نی تامین‌لش خصوصیده صرف‌له‌یدی. «اوتگن ییل‌لر یخشی ایدی؛ بیراق نیچه کون جریانیده برق کوپ آز بولگن. کوپینچه قیین‌چیلیک بیلن روپه‌ره‌میز. میوه‌لر نینگ خراب بولیشی یانیده، ییگولیک ماده و انرژی ایسیدی و مشتری گه بیرگنیم پیتده، ایسیق دیب آلمه‌یدیلر.»
عین حالده، افغانستان برق ییتکیزیش شرکتی یا-ده برشنا نینگ آگاه‌لنتیریشیچه، هوا نینگ ایسیشی و یشاوچیلر آرقه‌لی برق قوللنیلیشی نینگ کوپه‌یگنی سبب، کیله‌سی کون‌لرده برق پرچوی‌سی نینگ بوندن هم کوپراق بولیشی ممکن.
بیزلرنینگ فیسبوک صحیفه‌میزگه باش اورینگ!
برشنا سوزلاوچیسی حکمت‌الله میوندی نینگ سلام‌وطندار گه ایتیشیچه: «حرارت درجه‌سی یوقاری کیتماقده، بونی یانیده سوو تولید منبع‌لری اوتمیش کبی ایمس. سوو کمه‌یگن. انرژی تولید بولیش بولیمی‌ده هم اوزگریشلر کیلگن. انه شوو سبب، پرچوی کوپه‌یگن. ایچکی منبع‌لری‌میزدن قوللندیک. برق قوللنیلیشی نینگ حد‌دن تشقری بولگنی صورت‌ده، پرچوی‌لر نینگ کوپه‌یشی ممکن.»
افغانستان برق ییتکیزیش شرکتی نینگ کوپه‌یتیریشیچه:، حاضر ایسه ۷۰-۷۵ فایز کابل یشاوچیلری نینگ برق خصوصیده احتیاج‌لری نی تامین قیله آله‌دیلر.