پایتخت یشاوچیلری دن بیرقطاری نینگ ایتیشلریچه، مخابراتی شرکت‌لر تامانیدن سیمکارت توزیع قیلیش جریانی توخته‌شی، اولر نی ایریم قیینچیلیک بیلن دوچ قیلگن.
کابل شهری یشاوچیسی گل‌آغا گه کوره، اوچ هفته دن بیری ینگی سیمکارت آلیشنی کوتماقده؛ لیکن حاضرگچه آلالگن یوق. او، اداره‌لر و مخابراتی شبکه‌لر دن سیمکارت توزیع قیلیش جریانینی باشلش‌لرینی سوره‌یدی.
بیزلرنینگ فیسبوک صحیفه‌میزگه باش اورینگ!
گل‌آغا نینگ ایتیشیچه: «سیم‌کارتیم بلاک بولدی و حاضر ینگی سیمکارت آلیش اوچون کیلدیم، ام‌تی‌ان شرکتی سیمکارت توزیع قیلیش جریانی توخته‌تیلگنینی ایته‌دی؛ اوچ هفته دن بیری کیلیب-کیته‌من. سیم‌کارت‌لر نینگ توزیع قیلیش جریانی باشله‌نیشینی ایسته‌یمیز.»
کابل یشاوچیسی و مخابراتی شبکه‌لردن بیری نینگ فایده‌لنووچیسی مطیع‌الله، سیمکارت توزیع قیلیش جریانی قیته باشله‌نیشینی سوره‌یدی. او نینگ کوپه‌یتیریشیچه: «سیمکارت دن قولی‌لیک اوچون فایده‌لنه‌میز، اوزاق دوست و قرینداش‌لر نینگ احوالینی سوره‌ش اوچون ایشلته‌میز. ایناغم اوچون ینگی سیمکارت آلیش گه حرکت قیلدیم؛ لیکن سیمکارت یوق.»
شو بیلن بیرگه، مخابراتی خذمت‌لرینی منظم‌لشتیریش اداره (اترا) مسئوللری نینگ ایتیشلریچه، سونگی ایکی ییل ده اولکه بویلب قریب تورت میلیون سیمکارت توزیع بولگن.
مذکور اداره سوزلاوچیسی جلال‌الدین شمس گه کوره، مخابراتی شبکه‌لر تامانیدن سیم‌کارت‌لرنی ثبت قیلیش جریانی حقیده گزارش بیریلیشی آرتگه قالیشی طفیلی، سیم‌کارت‌لر نینگ توزیع قیلیش جریانی قیینچیلیککه دوچ بولگن.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه: «مخابراتی شبکه‌لر نینگ سیم‌کارت‌لری کابل هوایی قونالغه‌سیده مهرولاک بولگن و اترا اداره‌سی نیازمندلیک‌لر گه بناً رخصت بیره‌دی. مخابراتی شرکت‌لر ۱۰۰ مینگ دن آلیب ۱۵۰ مینگ‌گچه سیمکارت توزیع قیله‌دیلر، بیر آی دن اوچ آی‌گچه سیم‌کارت‌لر ثبتی باره‌سیده اداره گه گزارش بیریش گه مکلف دیر. شرکت‌لر گزارش نی وقتیده یوبارمه‌یدیلر و اترا اداره‌سی سیمکارت توزیع قیلیش گه باشقه رخصت بیرمه‌یدی.»
اوشبو گزارش ده، سیمکارت توزیع قیلیش جریانی توخته‌شی گه دایر مخابراتی شرکت‌لر نینگ فکر-ملاحظه‌سینی اورگه‌نیش اوچون سعی‌وحرکت قیلدیک؛ بیراق بو شرکت‌لر نینگ مسئوللری سلام‌وطندار گه نینگ سوال‌لری گه جواب قیتیرمه‌دیلر.
ایتیش کیره‌ک، افغانستان ده حاضر مخابراتی تورت خصوصی شرکت و ایکی دولتی شرکت فعالیت قیلماقده.
