آغیر کسللیگی بولگنلردن بیرقطاری، اقتصادی قیینیچیلیک سببلی ایکینچی و اوچینچی مراتبه اوزلرینی دوالهی آلمهگن و بو وضعیت اولرنینگ سلامتلیگیگه سلبی تأثیر قویگنینی ایتهدیلر.
هراتلیک فاطمه محمدی گه کوره، ۹ ییلدن بیری میه کسللیگیگه چلینگن. شفاکارلر بو کسللیکدن قوتیلیش اوچون نیچه مرته مراجعت قیلیش مصلحتینی بیرگن، بیراق اقتصادی قیینچیلیک سببلی مراجعت قیله آلمهگن.
او شوندهی دییدی: «شفاکارلر ایتدیلر ۶-۷ هفته مراجعت قیل، بیراق اقتصادی قیینچیلیک سببلی مراجعت قیله آلمهدیم. اقتصادی احوالیم یخشی بولگنده، روحی قیینچیلیککه دوچ بولمسدیم.»
فراه یشاوچیسی ۵۰ یاشلی پروین محمدی، ۱۲ ییلدن بیری بیلی آغریدی، قشاقلیک سببلی شفاکار گه مراجعت قیلیب اوزینی دوالهی آلمهگنینی بیلدیرهدی.
اونگه کوره: «بیلیم جودهیم آغریدی جراحلیک بولیشی کیرهک. شفاکار گه بارگچ ایتدی عمل بولیشینگ کیرهک، بیراق پولیم یوق ایدی و یاردم بیرهدیگن کیمسه یوق. شفاکار ایتدی ضعیف و قانیم آز.»
فراه یشاوچیلریدن بولمیش شیرین افضلی، دیابت کسلی گه چلینگن ایتیشیچه، قشاقلیک سببلی ترتیبلی شکلده شفاکار گه مراجعت قیله آلمهیدی و بو احوال اونینگ ساغلیغی گه سلبی تأثیر قویگن. اونینگ کوپهیتیریشیچه: «نیچه وقتدن بیری کوریک اوچون شفاکار گه بارگنیم یوق و آوقتلرنی استعمال قیلیشده بیفرق ایدیم. کابل گه بارگنیمده ایتدیلر شکرینگ یوقاری کیتگن. قولیمگه پول بولسه دارو آلهمن، پولیم بولمهگن پیتده احوالیم آغیرلشهدی.»
شو بیلن بیرگه، عمومی ایچکی متخصصلر یورهک، بویرهک و دیابت کبی کسللیکلر کیتمه-کیت و ترتیبلی شکلده دوالنیشی ضرور عکسحالده، کسل احوالینی آغیرلشتیریب و حتا اولیمیگه سبب بولیشی ممکن دییدیلر.
عمومی ایچکی متخصص عبیدالله حمیدی شوندهی دییدی: «ترتیبلی شکلده دارو استعمال قیلمسلیک، کسللر احوالینی آغیرلشتیرهدی و حتا اولیمگه سبب بولهدی اینیقسه یورهک خستهلیگی یا کی قان باسیمی یوقاری بولگن کسلللر.»
بیرلشگن ملتلر تشکیلاتینینگ انسان سیورلیک یاردملرینی هماهنگلشتیروچی ادارهسی (اوچا) ینگی گزارشیده، میلادی ۲۰۲۶ ییلده افغانستانده قریب ۱۴.۴ میلیون کیشی ساغلیق خذمتلر گه ضرورتی بار، بیراق اولرنینگ فقط یریمی ساغلیق خذمتلردن فایدهلنماقدهلیگینی بیلدیرگن.
