«افغانستان ده پولیو نی یوق ایتیش» نهادی نینگ اعلام قیلیشیچه، شنبه کونی پولیو گه قرشی ایملش کمپاینی افغانستان نینگ بیر قطار ولایتلریده باشلنهدی.
اوشبو نهاد بوگون (پنجشنبه، ۱۸-اسد)، اوز ایکس صحیفهسیده بیر بیانیه آرقهلی بو موضوع نی بیان قیلگن.
بیزلرنینگ فیسبوک صحیفهمیزگه باش اورینگ!
باشقه بیر تاماندن، ساغلیقنی سقلش وزیرلیگی نینگ پولیو نی یوق ایتیش مرکزی مسئولی عبدالقدوس بریالی گه کوره، مذکور کمپاین هرات، ارزگان، بلخ، هلمند، قندهار، زابل و نیمروز ده تورت کونگچه دوام قیلیب و بو دورده بیش یاش نی تولدیرمهگن ایکی میلیون ۴۰۰ مینگ باله نینگ پولیو گه قرشی ایملنیشی ممکن.
بو افغانستان ده جاری میلادی ییل نینگ باشلنگنیدن حاضرگچه یولگه قوییلگن پولیو گه قرشی ایملش بیشینچی باسقیچی دیر.
بیزلرنینگ «ایکس» ترماغی ده هم تعقیب قیلینگ!
ساغلیقنی سقلش وزیرلیگی نینگ پولیو نی یوق ایتیش مرکزی تامانیدن ارائه بولگن معلومات اساسیده، جاری میلادی ییل نینگ باشلنگنیدن حاضرگچه هلمند، نورستان، کنر و قندهار ده ۱۱ پولیو واقعهسی ثبت بولگن.
