پولیو نی تیکشیریش اضطراری کمیته‌سی، اوتگن کون دنیا ساغلیق‌نی سقلش تشکیلاتی رسمی‌لری بیلن ۳۶-اوچره‌شووی‌ده ینگی گزارشی نی ترقه‌تیب ایتیشیچه، جاری میلادی ییل باشلگنی‌دن حاضرگچه، افغانستان ده پولیو نینگ ۳۲ته محیطی نمونه‌سی ثبت بولگن که، نمونه‌لردن کوپینچه‌سی شرقی ولایت‌لرده دیر.
باشقه بیر تامان‌دن اوشبو کمیته گزارشی‌ده کیلیشیچه، قندهار ده اوی‌مه-اوی پولیو گه قرشی ایملش کمپاینی نینگ اجرا بولمه‌سلیگی، اوشبو ولایت باله‌لری مذکور کسل‌لیککه چلینیش خوفی بیلن روپه‌ره‌لر. «حاضرگچه افغانستان ده ینگی بیر مورد گزاریش بیریلگن که اولردن برچه‌سی ننگرهار ولایتیده دیر. شونده‌ی بیرحالده، بوگون گه قدر پولیو نینگ محیطی ایجابی ۳۲ نمونه‌سی موجود دیر که اولردن برچه‌سی شرقی منطقه، بیرته‌سی قندهار و بیرته‌سی بلخ ده ثبت بولگن.»
بیزلرنینگ توییترده هم تعقیب قیلینگ!
پولیو نینگ تیکشیریش اضطراری کمیته نینگ اورغولشیچه، باله‌لر فلج‌لیگی کسللیگی نی مکمل شکلده کنترول قیلیش اوچون، منظم شکلده ساغلیق برنامه‌لر نینگ دوام تاپیشی گه نیاز بار.
لیکن شفاکارلر، عایله‌لر توجه‌سیلیگی و اوزاق منطقه‌لرده مسئوللر نینگ معلومات بیریش پروسه نینگ ضعیف‌لیگی نی، باله‌لر فلج‌لیگی کسللیگی کوپه‌یشی نینگ اصلی سبب‌‌لریدن عنوان قیله‌دیلر.
انتانی کسل‌خانه شفاکارلریدن فرید‌الله عمری نینگ ایتیشیچه، باله‌لر نینگ دوام‌لی شکلده پولیو گه قرشی ایملنیشی کیره‌ک.
جناب عمری نینگ کوپه‌یتیریشیچه: «بیرینچی سبب، واکسین تطبیق بولینمه‌سلیگی دیر؛ درست معلومات بریلمه‌یدی، اهالی حاضرگچه خرافات گه ایشانه‌دیلر. نظافت نی رعایت قیلمه‌یدیلر. کسل باله‌لر باشقه باله‌لر بیلن بیر حاجت‌خانه و وسیله‌لردن مشترک شکلده قوللنه‌دیلر. بو اوزی بو کسل‌لیککه چلینیش خوفی نی کوپه‌یتیره‌دی.»
عین حالده، ساغلیق‌نی سقلش وزیرلیگی مسئوللری نینگ ایتیشلریچه، شرقی ولایت‌لرده پولیو گه چلینگنلر سانی کوپه‌یش سببی، دستلب ساغلیق خذمت‌لر گه قول تاپه آلمه‌سلیک، پاک ایچیملیک سوو یوقلیگی و اوشبو کسل‌لیککه قرشی ایملش پروسه‌سی درست شکلده تطبیق بولمه‌سلیگی دیر.
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی پولیو بولیمی مسئولی نیک‌ولی شاه مومن نینگ ایتیشیچه: «محیط یا-ده سوو ده ۳۳ مورد ثبت بولگن و نظافت رعایت بولمه‌گن و پاک سوودن فایده‌لنمه‌گن منطقه‌لرده نمونه آله‌میز و لابراتوارلر گه انتقال بیره‌میز. محیط‌ده نمونه نینگ قالگنی‌ده، کیله‌جک‌دن باله‌لر گه انتقال تاپیشی ممکن.
عین حالده، ساغلیق‌نی سقلش وزیرلیگی مسئوللری نینگ ایتیشلریچه، اوشبو کسل‌لیک آلدی نی آلیش اوچون سعی و حرکت قیلماقده‌لر.
